Ayuda
El Conceyu d'Avilés, dende la so conceyalía de Participación Ciudadana, entama la convocatoria de los premios "Reconocimientu municipal al llabor voluntariu" de 2025. Esta campaña ta dientro de les actuaciones que la Oficina Municipal del Voluntariáu organiza tolos años pa pormover y puxar pol voluntariáu na nuestra ciudá. .
Son unos premios que ñacen nel añu 2004 n'Avilés y dende esi momentu, van dándose tolos años. Esti añu 2025, el tema ye "Lo que fai'l voluntariáu pa que les persones mayores tean bien"
L'oxetivu d'estos premios ye'l de reconocer públicamente y dende les instituciones a persones y entidaes que participen d'una forma solidaria, faciéndo-yos un homenaxe bien merecíu por contribuyir a buscar soluciones pa los problemes de la comunidá y a que'l bienestar coleutivu meyore, colo que fae'l voluntariáu. .
Danse premios en tres categoríes:
- Persona voluntaria.
- Entidá de voluntariáu o grupu de voluntariáu.
- Proyeutu de voluntariáu.
El plazu pa presentar les candidatures tará abiertu ente los díes 2 y 16 d'ochobre de
Cualquier persona o entidad puede proponer de forma sencilla al so candidatu o candidata, rellenando'l formulariu que va encontrar na páxina web https://avilesvoluntariado.org/reconocimiento-municipal-labor-voluntaria-de-aviles-2025/.
Tamién se van poder presentar candidatures nel corréu electrónicu de la Oficina Municipal del Voluntariáu, Serviciu de Participación Ciudadana: participacion@aviles.es
Prémiense aiciones de voluntariáu que destaquen de forma especial y que resulten significatives pa la nuestra ciudá, y tamién aiciones de promoción y difusión de l'aición voluntaria.
Dende la Mesa Llocal del Voluntariáu, tolos años, los y les representantes de les entidaes que la conformen escueyenj por consensu, los temes a los que se van dedicar de forma especial los premios. Nesti añu 2025, lel tema ye: "Lo que fai'l voluntariáu pa que les persones mayores tean bien"
La valoración de les candidatures fadráse con un aconceyamientu extraordinariu de la Mesa Llocal del Voluntariaáu, según los criterios de les bases reguladores de la Convocatoria del "Reconocimientu Municipal al Llabor Voluntariu d'Avilés 2025"
Los premios, consistentes nuna cerámica alusiva al voluntariáu y un diploma acreditativu, van entregase a les/os galardonaes/os, na Gala del Voluntariáu, ceremonia cola que se conmemora n'Avilés el Día Internacional del Voluntariáu.
Esta ceremonia, a la que ta invitada tola ciudadanía va celebrase na Casa Municipal de Cultura, pela tarde'l día 4 d'avientu. L'accesu ye llibre y de baldre.
Dende Participación Ciudadana anímase a tola ciudadanía y a toles entidaes a participar, presentando al su candidatu o candidata, contribuyendo asina a que se vea'l llabor voluntariu y a facer bultable'l compromisu solidariu de quien participa n'aiciones de voluntariáu en beneficiu de tola sociedá.
Pa cualquier dulda o aclaración, les persones interesaes pueden facelo en: Municipal del Voluntariáu
Teléfonu: 985 129 098
Corréu: participacion@aviles.es
- Participa