Escolines y escolinos de 7 escueles d'Avilés -Versalles, Palacio Valdés, Enrique Alonso, El Quirinal, La Toba, Llaranes y Salesianos Santo Ángel- van averase nes siguientes selmanes de los meses de marzu y abril al patrimoniu cultural asturianu visitando L'Aula Didáutica de Cultura Popular Asturiana. Ta na plaza Mayor de Llaranes, y ye un espaciu cultural y etnográficu puesto en marcha en 2013 pola asociación Escontra'l Raigañu, gracies a que'l Conceyu d'Avilés-y cedió un llocal.

Sedrán un total de seis sesiones, los díes 6, 13, 20, 27 de marzu, 3 y 10 d'abril.

Estes visites, va guiales Felicia Prieto, Rosa Cuervo y David Varela, integrantes d' Escontra'l Raigañu y conocedores defechu de la cultura tradicional asturiana. Asinamesmo, cada grupu tendrá como muncho 50 participantes y tará acompañáu polo menos de cuatro tutores o responsables del centru educativu del que vienen.

La dinámica de las visites pel Aula Didáutica de Cultura Popular Asturiana entamará cola división del alumnaáu en dos grupos como muncho de 25 integrantes caún, que que va acompañáu en cada casu por dos docentes. La visita tendrá en tolos casos esta estructura:

• 9:15 a 10:30 h. Mientres un grupu visita la sala d'usos múltiples del Llocal d'Asociaciones municipal pa vivir de la mano d'un músicu una sesión dedicada a los instrumentos y música tradicional, l'otru grupu dividiráse en dos pa, dientro de L'Aula Didáutica, dir pasando por turnos pel:
  • Espaciu Espositivu, pa participar nuna visita teatralizada sobre los conteníos de la esposición "Formes de vistir, maneres de vivir”.
  • pela Sala Taller, onde participarán en xuegos didáuticos y actividaes al rodiu de la ropa tradicional, los sos nomes, colores y formes de colocase.
• 10:45 a 11:45 h. Los grupos d'enantes intercambiaránse nes actividaes que yá tán feches.
• 11:45 a 12:15 h. Posa pa comer el pinchu na plaza Mayor de Llaranes.
• 12:15 a 13:15 h. Tamién nesta plaza, tol alumnaáu participa nun taller de baille y danza, nel que deprenderán a interpretar bailles como la xirandiya "Los Capuchinos" (Cuideiru/Cudillero); el baille-xuegu “Os Cachetíus” (Illano/Eîlao); o les dances de Santa Ana (Llanes) o Las Tabiernas (Tineo/Tinéu).

El calendariu de visites escolares programaes ye ésti:

6 de marzu:

      La Toba

      Versalles

13 de marzu :

            El Quirinal

       20 de marzu:

            Palacio Valdés          

27 de marzu:

      Enrique Alonso

3 d'abril:

      El Quirinal

      Llaranes

10 d'abril:

      Salesianos Santo Ángel

L'Aula Didáutica de Cultura Popular Asturiana ye una apuesta de l'asociación Escontra'l Raigañu, entidá formada en 1982 pa la recuperación, conservación y divulgación d'una parte importante del patrimoniu cultural asturianu. Nestos años, l'asociación trabayó, en varios conceyos d'Asturies, recopilando material pa facer estudios y trabayos de la mano de coleutivos y persones espertes en diferentes disciplines, como l'antropoloxía, la etnomusicoloxía o la historia. Too ello d'una forma activa y participativa, fuxendo de los tópicos asociaos a la cultura tradicional asturiana.