Help
La Biblioteca de La Carriona acueye esti vienres 11 de marzu, de 18:00 a 19:30 hores la primera de les tres sesiones programaes pola Estaya de la Llingua d'Avilés col títulu "Col ritmu nel cuerpu". Trátase de talleres de música n'asturianu pa neños y neñes d'ente 6 y 9 años, que se van mover con ritmu usando les manes, los pies, la voz y dalgún oxetu musical.
L'actividá va guiala Rosa Cuervo, educadora infantil de l'Asociación Aladanza y que se va repetir dos veces más nel mes d'abril: el vienres 22 na Biblioteca de Los Canapés (Versalles) y el vienres 29 na Biblioteca de la Xungarosa/El Barrio de La Luz.
Nesti casu ufiértense 15 places, que tendrán de reservase apuntándose enantes de baldre na propia bilbioteca na que se vaya facer el taller, o mandando un whatsApp al númberu 634 821 613, o un corréu electrónicu a la direición: estayallingua@aviles.es. Ye obligatoriu l'usu de mázcara y respetar les normes que marque la monitora.
Manualidaes en mayu
Per otru llau, la Estaya de la Llingua d'Avilés organizará un taller nuevu de manualidaes que se va facer nel mes de mayu col títulu de "Monstruos marinos". Nesti casu, los y les participantes conocerán y fadrán dalgún monstruu marín que dempués van poder llevar pa casa.
L'actividá va desarrollase los vienres 13, 20 y 27 de mayu, nes biblioteques de La Xungarosa/El Barrio de La Luz, La Carriona y Los Canapés, respeutivamente.
- Cultura