Contacto

La rede municipal de biblioteques programó 34 actividaes infantiles de baldre pa ochobre y avientu pa que la xente menudo d'Avilés lo pase bien. La Fundación Municipal de Cultura vuelve a apostar por repartir estes propuestes ente les biblioteques de Bances Candamo, LaXungarosa/El barrio de La Luz, Los Canapés, y La Carriona, descentralizando asina l'accesu a la cultura y al ociu infantil.

Na programación inclúyense actividaes pa diferentes rangos d'edá, dende los más piquiñinos (6 meses) hasta los más mayorinos (10 años). Habrá espaciu pa cuentacuentos, bebecuentos, talleres d'animación a la llectura, mitoloxía asturiana, marionetes, animales pop-up, maxa y música.

La primer propuesta sedrá'l xueves 2 d'ochobre na Biblioteca de Los Canapés, a les 18:00 hores, cola actividá de bebecuentos 'Érase una voz', a cargo de Beatriz Sanjuán. Casi toles actividaes sedrán a les 18:00 hores, sólo tres sesiones de bebecuentos que se van celebrar a les 12:00 hores.

El programa completu ye ésti:

Cuentacuentos

Ye pa públicu infantil d'ente 4 y 9 años. Nun hai qu'apuntase primero, pero les actividaes tenrán un llímite de places (hasta completar aforu). Toles sesiones entamarán a les 18:00 hores.

Puppy's Cuentacuentos: Pájaro amarillo (Páxaru mariellu)

Dalgunos páxaros nun pueden volar. Pájaro amarillo (Páxaru mariellu) ye ún d'ellos ¿Sedrá posible inventar dalgún artefactu p'andar pel cielu? ¿Y compartir colos demás el so gran descubrimientu?

• 8 de ochobre: Biblioteca de La Xungarosa/El barrio de La Luz
• 9 de ochobre: Biblioteca de Los Canapés
• 10 de ochobre: Biblioteca Bances Candamo
• 16 de ochobre: Biblioteca de La Carriona

Ana Capilla Cuentacuentos: Jugando con los cuentos(Xugando colos cuentos)

Espectáculu narrativu nel que les palabres xueguen al esconderite pa poner soníu a los rellatos cuntaos, onde la escucha y la participación del públicu ye imprescindible.

• 13 de payares: Biblioteca de Los Canapés
• 14 de payares: Biblioteca Bances Candamo
• 19 de payares: Biblioteca de La Xungarosa/El barrio de La Luz
• 20 de payares: Biblioteca de La Carriona

Gloria Sagasti: Bum bum tas

Sesión mui dinámica qu'incluye una poesía participativa, una adautación d'una fábula d'Asturies, un cuentu d'ida y vuelta y una sorpresa final.

• 10 d'avientu: Biblioteca de La Xungarosa/El barrio de La Luz
• 11 d'avientu: Biblioteca de Los Canapés
• 12 d'avientu: Biblioteca Bances Candamo
• 18 d'avientu: Biblioteca de La Carriona

Bebecuentos

Pa públicu d'ente 6 meses y 3 años y que va dalos Beatriz Sanjuán. Cada sesión tendrá como muncho 20 places (cada bebé tará acompañáu sólo por una persona adulta). Hai qu'apuntase primero nes mesmes biblioteques.

Érase una voz (Yera una voz)

• 2 d'ochobre, 18:00 hores: Biblioteca de Los Canapés
• 4 d'ochobre, 12:00 hores: Biblioteca Bances Candamo

En un abrazo (Nun abrazu)

• 6 de payares, 18:00 hores: Biblioteca de Los Canapés
• 8 de payares, 12:00 hores: Biblioteca Bances Candamo

Como pez en el agua (Como pexe nel agua)

• 13 d'avientu, 12:00 hores: Biblioteca Bances Candamo
• 18 d'avientu, 18:00 hores: Biblioteca de Los Canapés

Talleres infantiles d'animación a la llectura

Pa públicu d'ente 4 y 8 años, daos por La Caracola. Places llimitaes. P'apuntase hai de facelo nes mesmes bilioteques. Toles sesiones van entamar a les 18:00 hores.

• Biblioteca Bances Candamo: 31 d'ochobre, 21 de payares y 5 d'avientu
• Biblioteca de Los Canapés: 23 d'ochobre, 20 de payares y 4 d'avientu
• Biblioteca de La Xungarosa/El barrio de La Luz: 22 d'ochobre, 26 de payares y 3 d'avientu
• Biblioteca de La Carriona: 30 d'ochobre, 27 de payares y 11 d'avientu

Asturies, Cultura en Rede

Propuestes incluyíes dientro'l programa col mesmu nome que la Conseyería de Cultura, Política Llingüística y Deporte puxca pola collaboración colos conceyos asturianos.

Biblioteca de Los Canapés: Mitoloxía asturiana pa neños y neñes. Taller de marionetes 

• 16 d'ochobre, a les 18:00 hores.

A cargu d'Elísabet Martín Teatro. Pa públicu d'ente 6 y 10 años. 15 places. Hai d'apuntase na mesma biblioteca.

Biblioteca Bances Candamo: Taller de marionetes y animales pop-up

• 17 d'ochobre, a les 18:00 hores.

A cargu de Pintar-Pintar. Taller basáu nel libro "Aleluyas para mi perrito Perico" de Juan José Lucas y María Ortiz. Ye pa públicu d'ente 5 y 8 años. 20 Places. Hai qu'apuntase na sala infantil de la biblioteca

Biblioteca de La Xungarosa/El barrio de La Luz: Érase una vez... una ilusión

• 12 de payares, a les 18:00 hores

A cargu de Mago Pelayo. Pa públicu familiar. Nun ye necesario apuntase primero, anque habrá places llimitaes hasta completar aforu.

Música na biblio

Alumnáu del Conservatoriu Municipal Profesional Julián Orbón ofrecerá un conciertu mui especial fechu específicamente pa los más pequeños y les más pequeñes. Nun ye necesario auntase primero, magar qu'habrá places llimitaess hasta completar aforu.

Biblioteca Bances Candamo: 20 de payares, a les 18:00 hores