Contacto

El Servicio de Participación Ciudadana, per aciu de la Oficina del Voluntariaáu, entama un taller pa persones que collaboren en proyeutos de voluntariáu na ciudá, como ferramienta p'actuar con decisión n'habiendo una emerxencia y puxar pol cuidaáu emocional nel so llabor. Sedrán dos sesiones complementaries los llunes 20 y 27 d'ochobre de 2025, de 10.00 a 13.30 hores, nel Palaciu de Valdecarzana, col títulu "Primeros auxilios y otros cuidaos n'aición voluntaria".

El taller ye de baldre y hai d'apuntase primero na web de la Oficina del Voluntariáu (www.avilesvoluntariado.org). Hai places llimitaes y el plazu p'apuntase termina esti vienres 17, a les 15.00 hores. Les persones participantes recibirán un certificáu d'asistencia.

Esti taller tien l'envís de da-yos a les persones que participen nél conocimientos pa poder prevenir, identificar, alertar y intervenir en situaciones d'emerxencia, pa que tengan y enfotu. Tamién se van tocar aspeutos de cuidáu y autocuidáu emocional, pa que la esperiencia de voluntariáu seya más eficiente y prestosa. 

La temática del taller decidióse como propuesta de la Mesa Llocal del Voluntariáu, polo importante que ye ser competente nesto pa poder desendolver un bon llabor solidariu.

El programa va desencolcase en dos sesiones. La primera, entitulada "Seguranza y prevención", y sedrá'l llunes 20 d'ochobre y tocando temes como los primeros auxilios básicos y acompañamientu seguru a persones con poca movilidá o que ven poco. La segunda, "Cuidar cuidándose", sedrá'l llunes 27 d'chobre centrándose nel cuidáu emocional n'aición voluntaria.

Más información en: https://avilesvoluntariado.org/7374-2/