Contacto

L'alquiler ye la forma meyor pa poder tener una casa si nun se tien dineru, que ye lo que-yos pasa a la mayoría, considerando que tán entamando na vida llaboral.  

El Conceyu d'Avilés resultó beneficiariu del proyeutu EDUSI sofitáu polos fondos FEDER de la Xunión Europea qu'inclui'l la reforma de: 

"Les Cases de los Maestros" que tán en La Xungarosa/El barrio de La Luz pa que les puedan alquilar families y xente mozo que nun tienen munchos ingresos al añu. 

Estes cases nueves tán separaes en cuatro bloques que tán na cai Ponce de León (nº 18A y 18B) y na plaza Fray Junípero Serra (nº 1A y 1B), dientru d'un terrenu que tien places d'aparcamientu al aire acutaes pa les persones qu'alquilen les cases nel futuru (polo menos una plaza por casa) y que tien una barrera de control  pa pasar. 

Les cases tienen la meyor calificación enerxética (nivel A). Cada casa tien una bomba d'aerotermia pal agua caliente y calefacción/climarización que va pel suelu. Tien tamién ventilación mecánica con recuperación del calor. 

Les cocines de les cases tienen vitrocerámica con cuatro puestos, campana y fornu eléctricu. Na planta baxa de los edificios habrá un cuartu trasteru pa casda casa, un cuartu compartíu pa les bicicletes y, ún de los edificios, una llavandería que tien llavadores y secadores d'usu compartíu pa les 30 cases, asina como una zona pa la usen los vecinos y vecines como-yos paeza na so autoxestión. 

¿Quiés veles? Puedes ver el sitiu nel que tán, na parte más alta y abierta de La Xungarosa/El barrio de La Luz, pegaes a la biblioteca, el Centru Social, la escuela y l'institutu. 

Sólo tienes qu'escribinos a juventud@aviles.es o llamanos al 985561882