¿Quién Somos?

Información

El Serviciu  d'Educación crease nel añu 1999 col enfotu en puxar y coordinar polítiques públiques de calter educativu empobinaes a tola población avilesina. 
Dientro'l marcu d'una Ciudá Educadora, que se fai ecu del proverbiu africanu "pa educar a un neñu fai falta la tribu entera", Avilés ta dientro la Rede Estatal de Ciudaes Educadores (RECE) dende l'añu 2000 y quier algamar, ete otros, estos oxetivos:

 
  • Promover la educación en valores per aciu de la mestura ente'l deprendimientu en clase y la conocencia del entornu. 
  • Afayar, colos programes educativos, la conciliación llaboral y personal de les families.
  • Desendolcar aiciones pa garantizar la igualdá d'oportunidaes.
  • Da-y a la sociedá servicios, equipamientos y recursos p'algamar  una educación pública de calidá.


La base del trabayu pa too ello ye qu'hai espacios de coordinación y alcuentru permanentes con tola comunidá educativa: centros, families, entidaes sociales y otros recursos de la ciudá, pa poder asina, dende ellos, analizar, diseñar y entamar programes que seyan prestosos pa tola ciudá. 

El Serviciu d'Educación ta dientro l'Área de Promoción Social, entamando, coordinando y puxando por desenvolver aiciones xunto colos  servicios sociales, mocedá, participación ciudadana y cooperación internacional, salú, consumu, vivienda y deportes. 
 

< Volver

Últimas noticias