Día Internacional de la Llingua Materna
El Día Internacional de la Llingua Materna entama un 21 de febreru de 1952 cuando en Bangladesh un grupu d'estudiantes pidía que la so llingua materna, el Bangla, se reconociere como llingua oficial. Por culpa desto, la policía entamó a disparar y mató a tres rapazos, Abul Barkat (del pueblu Babla, estudiante de Maestría na Universidá de Dhaka), Rafiquddin Ahmed (estudiante, del pueblu Paril Baldhara del distritu Manikgonj) y Shafiur Rahman (del pueblu Kunnyogar, empleáu del departamentu de contabilidá de la Corte de Dhaka). Cuatro años dempués na Constitución de Pakistán el Bengalí y l'Urdu declaráronse llingües oficiales de Pakistán.
En Canadá la organización llamada “Amantes de la Llingua Materna del Mundu”, integrada por falantes d'inglés, kutchi, cantonés, alemán, filipinu, bengalí, hindú, en 1999, pidieron a la ONU y a la UNESCO declarar el 21 de febreru como'l Día Internacional de la Llingua Materna.
Tolos años, dende febreru de 2000, esta fecha festéxase pa puxar pol multillingüismu y la diversidá cultural.
Conmemorativu del 21 de febreru, Día de la Llingua Materna
La palabra que nos marca a lo llargo la vida, que nos presta y que nos trae bonos recuerdos esplíquennosla persones de varies profesiones y distintes edaes d'Avilés.
¿Ónde tas? con Ana Morán y David Varela
Espectáculu de cuentacuentos musicales que se va a facer nes escueles de 0 a 3 d'Avilés, (La Toba, El Quirinal y La Madalena, con motivu de la celebración del Día Internacional de la Llingua Materna, 2025.
Les sesiones, sitios y hores son éstes:
· 19 de febreru a les 10:00 h · Escuela infantil 0-3 años La Toba
· 19 de febreru a les 11:15 h Escuela Infantil 0-3 años El Quirinal
· 20 de febreru a les 10:00 · Escuela Infantil 0-3 años La Madalena
-
Educación
-
Mantenimiento y Via Publica
-
Personas y Bienestar
