Día Intenacional de la Muyer

8 de Marzu

El Día Internacional de la Muyer xurde de les actividaes del movimientu sindical al entamu del sieglu XX n'América del Norte y Europa. El primer Día Nacional de la Muyer celebróse nos Estaos Xuníos el 28 de febreru de 1909, al convocáse una güelga nel sector textil y dalgunes muyeres n'Estaos Xuníos protestaron escontra les condiciones llaborales en Nueva York en 1908. 

En 1917, les muyeres en Rusia deciden protestar otra vez, y lluchar por "Pan y Paz" nel últimu domingu de febreru (cayó nun 8 de marzu nel calendariu gregorianu), algamando asina'l votu de les muyeres en Rusia.

A partir d'estos años, el Día Internacional de la Muyer garró una nueva dimensión global pa les muyeres nos países desarrollaos y en desarrollu. Esti movimientu internacional pa les muyeres que va  medrando poco poco contribuye a qu'esta celebración seya un elementu que xuna, como finxu de los derechos de les muyeres y p'afitar la so participación nos ámbitos políticu, social, cultural y económicu.
 

Avilés Tien Poesía

Esti audiovisual fízose pa festexar el Día Mundial de la Poesía, pero'l resultáu foi, amás de festexar esti día, una reivindicación d'un grupu d'escritores avilesines que, per aciu de los sos poemes, falaron en nome propiu y nel de les que yá nun tán, del papel de la muyer y de la so llucha a lo llargo la historia.

 

 

 

< Volver

Últimas noticias