Contacto

Comentario

Acepto la Política de privacidad | Aviso legal

Acepta

Text Verification Required

Avilés nuna Guía

Presentación

Con esti epígrafe preséntase una coleición de guíes sobre Avilés que xurden d'una forma diferentes y siempre pol interés que'l patrimoniu avilesín espierta nes persones. Equí atopámonos con un trabayu d'investigación fechu por estudiantes de la Universidá d'Uviéu que fixeron práutiques nel Serviciu de Promoción Cultural y la Estaya de la Llingua del Conceyu d'Avilés, de grupos de persones interesaes pola natura en collaboración cola Estaya de la Llingua o de centros educativos de la ciudá que desenvuelven proyeutos propios en llingua asturiana rellacionaos col patrimoniu cultural avilesín.

Dos d'estos trabayos (Conxuntu Históricu-Artísticu y Los parques: el parque Ferrera) editáronse en papel con un formatu especialmente diseñáu y pensúa pa ello. Son llibros pequeños, amañosos y que nun pesen nada pa que se puedan llevar d'un sitiu pa otru ensin qu'ocupen munchu sitiu y ensin que polo mamotretos que son seya difícil consultalos. Agora col envís de que puedan llegar al mayor númberu de persones, hai tamién la posibilidá de descargales dende los enllaces que'afayamos equí.

La tercer guía "Aviles, villa palaciega" xurde d'un trabayu d'investigación del alumnáu de sestu de primaria del colexu Marcelo Gago del cursu 2022-2023, que con un trabayu billingüe faen un percorríu pela ciudá dende los sos palacios. Nesti trabayau hai una collaboración ente alumnáu de llingua y cultura asturianes.
El mesmu alumnáu redacta los testos nes dos llingües (asturianu y castallán), faen los retratos de los edificios y creen los códigos QR dende los que podremos tener más información, códigos que tamién vienen llantaos na guía, que sigue la mesma llinia editorial y de diseñu de les dos anteriores.

El Conceyu d'Avilés, per aciu de la so Conceyalía de Normalización Llingúística quier cola edición d'esti trabayu reconocer y valorar el trabayu d'esti alumnáu y de cualquier otru que s'anime a trabayar y destacar el nuestru patrimoniu, usando pa ello tamién esi otru patrimoniu inmaterial que tenemos que ye la llingua asturiana.