Resumen

Proyeutos Europeos «4HCREAT» Fundación Municipal de Cultura d'Avilés

El proyeutu européu 4HCREAT, con participación del Conceyu d'Avilés, seleicionáu pol programa Interreg Espaciu Atlánticu de la Comisión Europea.

Información

El Conceyu d'Avilés, al traviés de la Fundación Municipal de Cultura, va participar nel proyeutu 4HCREAT: Cuádruple hélice pa puxar pola innovación nes PYMES Culturales y creatives Atlántiques, seleicionáu pol programa Interreg Espaciu Atlánticu de la Comisión Europea.

4H-CREAT  desarrollar  modelos tresnacionales  de trespasu de conocimientos, meyorando l'aplicación de resultaos I+D de los centros d'investigación nes Industries Creatives,a sina como crear nuevos productos gracies a un métodu de Cuádruple Hélice, poniendo más enfotu na participación al final d'usuarios y usuaries en procesos de producción y promoción del co-diseñu. 
Identificará productos y servicios dedicaos a les nueves tendencies y demanda del mercáu (p.ex. Trasmedia), aprovechando les oportunidaes de la teunoloxía y economía dixital. 

El proyeutu, gobernáu pola universidá  escocesa Glasgow Caledonian University ñaz d'una iniciativa  anterior (INNOVATE) y dempués d'un aconceyamientu pa preparalo too, cola participación de tolos socios, que son: la nomada Glasgow Caledonian University, l'Institutu Universitariu de Lisboa, el parque teunolóxicu Laval Technopole y la institución Bordeaux Euratlantique, en Francia, asina como la Escuela d'Arte y Diseñu de Limerick Institute of Technology, n'Irlanda.

Hai de destacar que'l proyeutu afita les xuntures que yá hai  ente Avilés y dalguenes d'estes instituciones, coles que yá'l Conceyu  collaboró nel marcu de diversos proyeutos europeos a lo llargo los últimos años, lo que fizo posible, ente otres coses, que tuvieren artistes internacionales es diferentes ediciones de les nueches blanques y le nueches negres, asina como tamién diferentes residencies y propuestes artístiques.

Ente les sos actividaes, 4HCREAT va dexar que tomen midíes d'análisis de mercáu, la creación de modelos de cooperación empresariales, de cursos de formación, participación en feries y promoción d'alcuerdos de cooperación y coproducción n'ámbitos culturales. 

El Progama INTERREG Espaciu Atlánticu sofita proyeutos de cooperación tresnacional en 37 rexones atlántiques de cinco países: Francia, Irlanda, Portugal España y Reinu Xuníu, contribuyendo a los oxetivos en materia de xuntura enconómica, social y territorial. L'oxetivu xeneral ye amestar soluciones pa solucionar custiones rellacionaes cola innovación nel ámbitu rexonal, col valir de los recursos, el mediu ambiente y los bienes culturales, apoyando'l desarrollu rexonal y el crecimientu sostenible. 

4HCREAT ye ún  de los 45 proyeutos esbillaos na primer convocatoria d'esti programa dende 2014 hasta'l 2020, ente 425 solicitúes presentaes.

Ficha resumen

Contautu

Telf.: 985 510 045 / 985 510 452

Señes

Fundación Municipal de Cultura
Pz Domingo Álvarez Acebal, 2
33402 Avilés. Asturies

 

 

< Volver

Últimas noticias