Resumen

Avilés, Ciudá Amiga de la Infancia

Información

El programa d'UNICEF, Ciudaes Amigues de la Infancia (CAI) tien como oxetivu principal reconocer y sofitar a aquellos Gobiernos llocales qu'incluyan nes sos polítiques d'infancia delles estratexes o planes pa la infancia.
El programa Ciudaes Amigues de la Infancia tien como oxetivu principal reconocer y sofitar a aquellos Gobiernos llocales qu'incluyan nes sos polítiques d'infancia estratexes o planes pa la infancia que se sofiten  na implementación de la Convención sobre los Derechos del Neñu o de la Neña (o aiciones coordinaes por, pa y cola infancia), con un presupuestu afayadizu y col desenvolvimientu d'órganos de participación infantil permanentes, sostenibles y reglaos.
Pa qu'una entidá llocal se reconoza como "Ciudá Amiga de la Infancia" tien de cumplir primero unos requisitos:

 
  •  Cuntar con un plan d'infancia o atopase, siquier, en procesu de creación y acreditar les asignaciones presupuestaries del Plan
 
  • Poner en marcha un Conseyu d'Infancia o un órganu de participación infantil similar y presentar tamién les sos asignaciones presupuestaries y la so memoria.

 
  • Amás les ciudaes candidates tienen  de superar una evaluación na que s'estudien indicadores venceyaos coles aries de:
  1. Salú (campañes d'educación pa la salú de neños, neñes y adolescentes, control y siguimientu del  nutricional y calidá de los comedores escolares…)
  2. Educación (númberu de places escolares, midíes contra l'absentismu escolar, barreres arquiteutóniques en centros d'enseñanza, programes de sofitu a neños y neñes con problemes pa deprender…)
  3. Xuegu-Cultura (ufierta cultural especifica, instalaciones pa usu infantil y xuvenil…)
  4. Mediuambiente (estudios sobre calidá del agua, control de ruíu, estudios de caminos  seguros escuela-casa …)
  5. Familia, (programes específicos de formación de padres y madres, recursos específicos d'atención a la primer infancia…)
  6. Cooperación (partíes presupuestaries, programes d'agospiu a  infancia…)
  7. Participación ( tiend'haber un Conseyu d'Infancia, participación comunidá escolar …)

Col Programa Ciudaes Amigues de la Infancia, UNICEF España y los sos socios nesti Programa (Ministeriu de Sanidá y Política Social, Federación Española de Conceyos y Provincies, Rede Llocal a favor de los Derechos de la Infancia y l'Adolescencia y l'Institutu Universitariu de Necesidaes y Derechos de la Infancia y l'Adolescencia) reconocen el trabayu de los entes llocales españoles en favor de los derechos de la infancia.

Na IV Convocatoria de la Reconocencia de Ciudá Amiga de la Infancia, la ciudá d'Avilés algamó per primer vegada esta reconocencia.

Nesa ocasión,  amás de les entidaes que formen parte del Programa, participaron tamién cuatro espertos y espertes de reconocíu prestixu internacional nel campu de la infancia como son:

 
  • JOSEP MUNTAÑOLATHORNBERG, Caderalgu d'Arquiteutura de la Universidá Politéunica de Barcelona.
  • ARAECELI MACIÁ ANTÓN, caderalga de Metodoloxía de les Ciencies del Comportamientu de la Facultá de Sicoloxía de la UNED.
  • FIDEL REVILLA GONZÁLEZ, Profesor d'Educación Secundaria y Presidente d'Aición Educativa. Espertu en Participación Infantil nel ámbitu llocal español.
  • LOURDES GAITAN, Coordinadora del cursu d'Esperta o Espertu  en Polítiques Sociales d'Infancia. Universidá Complutense de Madrid.

 

Reconocencies
     

 

Diploma UNICEF Ciudá Amiga de la Infancia 2018 - 2022

 

 

 

  

 
 

Diploma UNICEF Ciudá Amiga de la Infancia 2014 - 2018

 

 

 

    

 		   Diploma UNICEF Ciudá Amiga de la Infancia 2010 - 2014

 

 

 

< Volver

Últimas noticias