Esta iniciativa supón una inversión de 18.147,58 euros y ta sofitada con fondo Next Generation EU per aciu del Plan de Recuperación, Tresformación y Resiliencia, dientro de les ayudes qu'hai p'afitar l'actividá comercial en zones turístiques. 

'Avilés Secreta' tiene como principales oxetivos  que se vean más el comerciu y la hostelería llocales, puxar pola identidá vecinal y da-y más vida a los barrios con un enfoque modernu, sarcásticu y prestosu. Búscase valorar lo tradicional con un toque modernu y humorísticu, creando un ambiente de sofitu y collaboración ente los negocios llocales y la comunidá, y tamién valorar el consumu responsable y consciente a la hora de mercar coses.

Col lema “¡Qué Avilés seya de too menos un secretu!”, la iniciativa desenvuélvese alredor de la idea d'averar, lo mesmo a les persones que viven na ciudá como a les que vienen a visitala, los negocios qu'hai nella y que tán cerca, nun dexando que pasen desapercibíos. Too ello pa que los y les consumidores que pueda haber piensen nellos cuando necesiten mercar daqué.

La ferramienta que se va usar sobre too pa esparder esta iniciativa 'Avilés Secreta' sedrán sobre too les redes sociales: Instagram (@avilessecreta) y Facebook (@Avilés Secreta), asina como'l blog www.avilessecreta.com, que se va dir actualizando con artículos, entrevistes, reportaxes, rutes, planes y sorteos.

La participación de los establecimientos, dafechu de baldre, ye mui importante pal desarrollu de la estratexa y organización del trabayu, porque se va a dar prioridá a los negocios que tán apuntaos lo mesmo pa la grabación de retratos,  vidios y apaecer n'artículos, que pa que p'apaecer nos  medios dixitales.

Los requisitos de participación son: