Les funciones que tien el  Centru Asesor de la Muyer son sobre too d'información xeneral sobre los derechos de la muyer y de les aiciones que cada casu concretu tendrán que facese,  de los trámites necesarios y los recursos a los que se pueden acoyer y dempués denunciar cualquier tipu de discriminación escontra les muyeres. 

El Centru da información y asesoramientu xurídicu en materia de:

• Derechu Civil: casamientu, separaciones y les sos consecuencies, xusticia de baldre...
• Derechu Penal: agresiones sexuales, malos tratos físicos y síquicos, amenaces...
• Derechos Llaborales: derechos y deberes de les trabayadores, discriminación nel trabayu, Seguridá Social, acosu sexual nel trabayu...
• Tramitación de Midíes Provisionalísimes de separación matrimonial y de Xuiciu de Faltes pa muyeres víctimes de malos tratos y con pocos recursos.
• Otros