Llinderos de Finques

Información
¿Tien dalguna dulda? licencias@aviles.es
Oxetu / Descripción

Actu alministrativu pol que pasen a ser efeutives les posibilidaes de zarrar una finca privada.

Los llinderos de finques que toquen con suelu públicu y los qu'afecten a edificios catalogaos o protexíos, necesitarán llicencia. 

Los llinderos de finques que nun toquen con suelu públicu ni afecten a edificios catalogaos o protexíos, van necesitar una declaración responsable. D'éstos, los que sirvan tamién pa que la tierra nun argaye, tendrán que definise  nuna Memoria Téunica, roblada por un téunicu o téunica municipal competente, y pa la so tramitación se usaráse'l formulariu de declaración responsable con intervención de téunicu o téunica. Los que, al contrario, seyan sólo simples separaciones de finques, tienen de tramitase con un  formulariu de declaración responsable ensin intervención de téunicu.
 

Documentación qu'hai de presentar

Les solicitúes de llicencia o declaraciones responsables tienen de presentase con estos documentos polo menos:

- Pa los inmuebles en xeneral:

 
  • Impresu normalizáu de solicitú de llicencia o declaración responsable con o ensin informe téunicu roblada pol promotor/pola promotora o pol/pola so representante según lo que se necesite.
  Impresu normalizáu de solicitú de llicencia
  Declaración responsable obres y otres actuaciones con téunicu/a
  Declaración responsable obres y otres actuaciones ensin técnicu/a

 

  • Acreditación de la representación, si se trata de persona xurídica, o de persona física qu'actúa con representante.
  • Memoria descriptiva de les actuaciones a desendolcar.
  • Planu de la parcela (escala non más pequeña de 1/500), poniéndo en qué sitiu ta y lo que mide'l llinderu, les construcciones qu'hai y les carreteres, caleyes..., croquis acotáu del llinderu indicando los materiales que se van a usar y los colores.
  • Presupuestu lo que van costar esos trabayos, axustáu a los precios de mercáu d'anguaño, nel que van tar incluyíos lo mesmo'l coste de los materiales como'l de la mano d'obra, anque nun tean desglosaos.
  • En casu de que'l llinderu sirva tamién pa que la tierra nun argaye, la Memoria descriptiva, Planos y Presupuestu meteránse nuna Memoria Téunica, roblada por téunicu/a competente, incluyendo tamién, l'aceutación de la Direición Facultativa de les obres.
  • Retratu de les zones onde se quier intervenir.
  • Cuando seya necesario, autorizaciones de los organismos sectoriales afectaos (carreteres, costes, confederación hidrográfica...)
  • Xustificantes de la lliquidación de los tributos y otros ingresos de derechu públicu o priváu que correspondan.
  Impresu pa pagu de Tasa de llicencia d'Obra (Modelu 09)
  Impresu pa pagu d'Impuestu Construcciones, Instalaciones y Obres (Modelu 12)

 

- Pa los inmuebles que, ensin tar catalogaos de forma individualizada, ámbitos sujetos a protección cultural, además de la documentación general:

 
  • Detalle de los materiales y colores que se van usar, xustificando que son afayadizos pa lo que se ta plantegando.

- Pa los llinderos que tán tocando con una vía pública y en Suelu Non Urbanizable, categoría de Nucleu Rural, amás de la documentación xeneral:

 
  • Planu topográficu de la zona que se va zarrar que toca cola vía pública, a escala 1/500, con representación gráfica de:
    • Ónde se va poner el llinderu.
    • Xustificación de cumplimientu de distancies a borde y exe de vía.
    • Superficie de cesión.

El llevantamientu topográficu fadráse nel sistema de proyeición UTM Huso 30 y nel sistema de referencia ETRS 89 (European Terrestrial Referente System). Pa facer el llevantamientu topográficu podrán usase les bases topográfiques de la Rede Topográfica Llocal d'Avilés (RTLA) y tará robláu por téunicu/a competente.

  • Ficheru en formatu dwg, dxf o dgn d'esti planu topográficu, en 3 dimensiones, que va incluyir la polillinia del perímetru de la superficie de cesión.
  • Nota Simple rexistral sobre la propiedá de la parcela, en que s'aprecie qu'ésta nun tien cargues.

 

Unidá Tramitadora

Serviciu de Disciplina Urbanística

Tramitación en Sede Electrónica
 

  ESCRITU / SOLICITÚ XENERAL  

 

Información Rellacionada

Normativa urbanística: http://www.aviles.es/html_IIS/planes_urban/index.html
Ficha Llinderos Suelu Urbanizable y Non Urbanizable
Ficha Llinderos Suelu Urbanu

 

< Volver

Últimas noticias