Comedores escolares

Ábrese'l plazu p'apuntase al comedor escolar nos centros públicos del Conceyu d'Avilés. Cursu 2023 - 2024.

El Conceyu d'Avilés encárgase de xestionar los comedores dende 2005. Ye una midida de conciliación qu'asegura a les families un menú sanu pa neños y neñes y pa la mocedá , ellaboráu en collaboración de Serviciu de Pediatría del Hospital San Agustín. 

La ufierta adáutase, amás, a les necesidaes particulares de cada menor que por problemes de salú, intolerancia alimentaria, creyencies relixoses y otres coses necesiten un menú específicu. 

 Esti serviciu da posibilidá de bonificación a families con pocos recursos económicos. .

¿Quién puede usar esti serviciu?

-    Menores escolarizaos y escolarizaes en Centros públicos d'Educación Infantil y Primaria
-    Alumnáu de los Centros d'Educación Secundaria.

¿Cuándo puedo solicitalo?

Nel cursu escolar.

Nel cursu 2025/2026 hai dos plazos p'apuntase:

1. Alumnáu que quieran esti  serviciu nel mes de setiembre: dende'l 1 de xunetu de 2025 hasta'l 31 d'agostu de 2025.
2. Alumnáu que quieran esti serviciu con en pasando setiembre (mes d'ochobre y siguientes): dende'l 1 de xunetu de 2025 hasta'l día 25 del mes anterior al d'entamar el serviciu.

¿Ónde se pide?

Pela Sede Electrónica de la web del Conceyu  (enllaz al final d'esta páxina) o, en rellenando la solicitú según el modelu INSCRIPCION COMEDORES ESCOLARES, na Oficina d'Asistencia en Materia de Rexistros (OAR, enantes Serviciu d'Atención Ciudadana SAC) de la Casa Conceyu que ta na  Plaza España y nel edificiu “El Foco” que ta en Villalegre.

En casu de pidir Bonificación y NUN axuntar les declaraciones de la renta de los miembros de la unidá familiar, tendrá de presentase, xunto al modelu d'inscripción, el modelu AUTORIZACIÓN CONSULTA DATOS RENTA, bien cubiertu.

Más información y tramitación en Sede Electrónica

¿Nun alcuentres lo que necesites?

Si nun yes quien a atopar la información que necesites nel nuestru portal, proponémoste qu'uses dalguna d'estes ferramientes, va prestanos ayudate.

Usa'l Buscador Contauta con Nós Sede Electrónica