Contacto

Un eventu gastronómicu monumental, de convivencia ciudadana y xuntura, que ñaz en 1993 pa festexar los 100 años de la Fiesta'l Bollo (domingu y llunes de Pascua). 

Nesta folixa, que se fai'l Llunes de Pascua, en terminando la Selmana Santa, les cais y places del  cascu históricu  enllénense de meses y silles nuna ringlera de más de cuatro mil metros, na que vecinos, vecines y visitantes comparten mantel. 

Tol mundu que va pásalo mui bien cola comida que traen de casa o cola de los chigres de la villa. Hai tortielles, empanades y, por supuesto, la famosa Fabada Pantagruélica que se fai na Plaza l'Ayuntamientu     dende bien ceo. Too esto, acompañao de música en direutu y grupos folclóricos. 

La xente mozo usa más los parques de la ciudá pa xuntase y xintar. Una media de doce mil persones al añu participen nesta comida na cai, compartiendo compañía, mesa y charra.