Formación Dixital pa la Vida
Talleres de baldre sobre competencies dixitales básiques y tresversales
¿Qué son les competencies dixitales?
|
Les que nos dexen buscar la información que necesitamos
Les que nos dexen comunicanos con quién nos pete
Les que nos dexen facer trámites alministrativos y económicos
Les que nos dexen espoxigar profesionalmente |
¿Cómo ye la formación que te proponemos?
|
Siempre guiada por profesionales que te van atender de forma personalizada
Siempre acompañada de persones que tán na to mesma situación
Siempre cómo, cuándo y cuánto necesites |
El nuestru oxetivu ye procurar dar la posibilidá a les persones pa que se preparen pa un mundu cada vegada más dixital.
Pa ello ufrimos talleres que duren poco (10 hores), presenciales (nel Centru de Capacitación Dixital y nel Centru d'Empléu "Europa") en xornaes de mañana o tarde, con horarios flexibles, en grupos pequeños y col sofitu que necesites pa que puedas encaxalos dientro de la to vida normal.
Taller d'Información y Alfabetización Dixital
N'internet ta too, pero nun ta too n'orden. Queremos que sepas identificate, buscar, algamar, almacenar, organizar y analizar información dixital, datos y conteníos dixitales, valorando pa qué sirven y si son o non importantes.
Taller de Comunicación y Collaboración en llinia
N'internet tamos toles persones, y contando coses. Queremos que deprendas a comunicar n'entornos dixitales, compartir recursos propios con ferramienta en llinia, coneutar y collaborar con otres persones con ferramienta dixital , enteactuar y participar en comunidaes y redes.
Taller de Creación de Conteníos dixitales
Tu tamién tienes muncho que contar. Queremos ayudate a crear y editar conteníos dixitales nuevos, facer producciones dixitales, conocer llicencies d'usu de materiales de terceros y saber aplicar los derechos de propiedá intelectual.
Taller de Seguridá na Rede
Pero, ¡ten cuidáu!. Queremos protexer la to información y datos personales, protexer la identidá dixital, de los conteníos dixitales y de les aplicaciones informátiques, que conozas las midíes de seguridá, asina como l'usu responsable y seguru de la información dixital.
Taller pa Solucionar Problemes
Y si dalgo nun va bien, queremos ayudate a solucionar problemes con medios dixitales y usar les teunoloxíes d'una forma creativa pa solucionar problemes téunicos.
|
Puedes facer sólo ún d'estos talleres (10 hores), varios, o facer un taller de menos hores (30 hores) pero con conteníos de tolos temes. Sólo tienes que rellenar esti Formulariu p'apuntase, o avérate al Centru d'Empléu "Europa" (Avenida de Oviedo, 9) o llamarnos al 985.12.91.10
|
|
Esta formación podemos ofrecetela gracies a la financiación de la Xunión Europea (Plan de Recuperación, Tresformación y Resiliencia - NextGenerationEU), al Ministeriu d'Educación y Formación Profesional, al de Tresformación Dixital y Función Pública, y al Gobiernu del Principáu d'Asturies al traviés de la Conseyería de Ciencia, Empreses y Formación y Empléu.
¿Nun alcuentres lo que necesites?
Si nun yes quien a atopar la información que necesites nel nuestru portal, proponémoste qu'uses dalguna d'estes ferramientes, va prestanos ayudate.