El Conseyu d'Infancia y Mocedá d'Avilés créase como órganu consultivu y de participación del conxuntu de la Infancia y l'Adolescencia d'Avilés nos asuntos municipales. 
Son funciones del CIAA: 
•    Llevar opiniones, necesidaes, intereses y esmoliciones de neños y neñes y adolescentes hasta les autoridaes llariegues.
•    Pidir información y que t'informen de les actuaciones del Conceyu d'Avilés respeuto a temes d'interés pa la infancia y adolescencia. 
•    Proponer al Conceyu midíes afayadices p'algamar el bienestar y desenvolvimientu de los derechos de la infancia nel ámbitu llocal, pudiendo tener éstos una materaialización concreta y zonal, según los alcuerdos que s'algamen. Estes propuestes van tener la forma de recomendaciones y tienen de procurar recoyer la mayor parte de les opiniones de los y les participantes. 
•    Facer un siguimientu del percorríu d'estes propuestes recomendaes y qu'aprobare l'Alministración.
•    Collaborar cola ellaboración, siguimientu y evaluación de los Planes d'Infancia que tean agora en vigor y los futuros.  
•    Collaborar con otros conseyos sectoriales o territoriales cuando los temes que se traten seyan del so interés. 
El Conseyu configúrase como órganu consultivu y de participación de la Infancia y Adolescencia d'Avilés nos asuntos públicos y supón una ferramienta perbono nel procesu educativu y de promoción de los Derechos de la Infancia. 

Nesi mesmu añu, en 2010, hubo n'Avilés el I Alcuentru ente Conseyos de Participación Infantil y adolescentes de diferentes comunidaes autónomes. Esti primer alcuentru marcó un enantes y un dempués na Participación Infantil. Asoleyóse dende esi momentu un manifiestu conocíu como Manifiestu d'Avilés
Dende ehí ficiéronse otros munchos alcuentros provinciales, nacionales y ún internacional del qu'Avilés volvió a ser sede. 

Enllaces d'interés:

Toles aiciones que llevaron a cabu neñes, neños y adolescentes del Conseyu tán nesti blog: consejoiaaviles.wordpress.com.

• Reglamentu del Conseyu d'Infancia y Adolescencia del Conceyu d'Avilés.