Ayuda
Proyeutos Europeos «Z Elements» Convocatoria artística en Verona
Cultura convoca una residencia artística en Verona dientro del proyeutu européu Z Elements.
La FMC abrió la convocatoria pa participar na tercer residencia artística qu'entama'l Proyectu Européu Z Elements, financiáu pol Programa Europa Creativa de la Comisión Europeo y liderao per Avilés. Va Tener llugar en Verona (Italia) del 7 al 20 de xunu, y les candidatures podrán presentase hasta'l 1 d'abril.
Con una plaza disponible, van poder apuntase mayores de 18 años, con esperiencia nel ámbitu artísticu polo menos de dos años y conocimientu d'inglés. Tienen de presentar proyeutos rellacionaos col elementu TIERRA en cualquier disciplina artística, que seya quien a atrayer a la llamada Xeneración Z (nacíos ente 1995 y 2005), como define'l proyeutu.
Van valorase favorablemente tanto los venceyaos o sofitaos nes nueves teunoloxíes, como los qu'investiguen sobre l'elementu TIERRA en rellación coles carauterístiques del llugar de producción.
Entamada pola Accademia de Belle Arti di Verona, la residencia va ser nel Ex Dogana di Fiume, asitiáu nel centru históricu de la ciudá italiana. Los otros socios del proyectu son la Fundación Municipal de Cultura; l'AP University d'Antwerp, Bélxica; l'Association Kulturanova de Novi Sad, Serbia, y la European Art School, de Bretaña, Francia.
L'oxetivu de la residencia ye la investigación y producción presencial d'una obra artística o intervención alredor d'esi elementu TIERRA, alternando creación y estudiu, visites a instituciones y organizaciones d'arte contemporaneu nel aria de Verona, según xuntes con estudiantes y profesionales del arte.
P'apuntase
El plazu p'apuntase ta abiertu y va pesllase'l 1 d'abril. La solicitú tendrá d'incluyir un currículum, un porfoliu y una carta de motivación (como muncho d'una páxina, en lletra Arial 10) n'inglés, col proyeutu artísticu y la interaición que pudiera dase na Xeneración Z, según l'interés de trabayar con nueves tecnoloxíes, ferramientes o dispositivos dixitales.
Coles mesmes, los aspirantes van poder incluyir cualesquier de les sos obres previes n'audiu o vídeu, disponibles al traviés de plataformes dixitales reconocíes como Youtube, Vimeo o Band camp. Les solicitúes tienen d'unviase al corréu electrónicu: zelements.avilesgmail.com.
Una comisión, conformada por tres representantes de la Fundación Municipal de Cultura, va preseleicionar cuatro proyectos. Y una segunda comisión, compuesta polos socios del proyectu, va escoyer al o la candidata final.
El xuráu tendrá en cuenta la congruencia ente la propuesta y los oxetivos del proyectu Z Elements; el so impactu artísticu, conceptual o técnicu; la calidá en términos de creatividá ya innovación, y la conocencia, esperiencia y carrera profesional del o la candidata.
L'o l'artista escoyida va poder participar na residencia de Verona, al pie de los representantes de los otros cuatro países participantes, amás d'asistir a un taller impartíu por espertos en Nueves Tecnoloxíes de Verona y Antwerp.
Con anterioridá, mientres y dempués de la residencia, los y les artistes van trabayar con moces y mozos de la Xeneración Z.
Los y les ceadores qu'algamen a la residencia van recibir una beca de 1.000 euros pa cubrir los gastos d'agospiamientu y dietes, y d'otros 500 pa tresporte. Coles mesmes, inclúyese un caché de 1.200 euros (impuestos incluyíos), pola collaboración artística y los derechos d'autor, y la Accademia de Belle Arti di Verona va contribuyir a los costos de producción con 300 euros pa la compra de material.
Por cuenta la pandemia del COVID-19, y a los efectos que pueda causar nos distintos países que participen nel Proyectu Z Elements, añedióse una clausa na convocatoria, pola que cualquier cambiu va ser comunicáu con muncha antelación.
Hasta'l 15 d'abril va tar abiertu'l plazu de notificación de los resultaos al o a l'artista escoyida, que va empezar la fase de preparación con una xunta pela rede'l 20 d'abril.
El Proyeutu Z Elements ta financiáu pola Comisión Europea al traviés del programa Europa Creativa. La cabezalera ye la Fundación Municipal de Cultura d'Avilés, y participen nél la University of Applied Sciences and Arts and Royal Academy of fine Arts de Antwerp (Bélxica), la Fondazione Accademia de Belle Arti de Verona (Italia), la Kulturanova Association (Serbia) y La Escuela d'Arte Européu EESAB de Bretaña (Francia).
La so finalidá ye atrayer a la xente nuevo al arte, utilizando co-creaciones tresmedia, tomando como partida los elementos primixenios AGUA, AIRE, FUEU y TIERRA. El proyeutu plantega nueves posibilidaes de combinar les espresiones artístiques más tradicionales coles nueves teunoloxíes y procesos dixitales d'innovación.
Pa ello,va desenvolver intercambios culturales ente l'arte contemporaniu y la llamada Xeneración Z (nacíos ente 1995 y 2005). Al traviés de procesos de dixitalización y la presencia de les obres artístiques nes redes sociales y otres plataformes, va afayase la distribución del arte, siendo ún de los oxetivos del programa llegar a 200.000 mozos y moces.
Residencies aplazaes n'Avilés y Lorient
Les dos primeres residencies, que teníen de desenvolvese l'añu pasáu, tuvieron qu'aplazase por culpa la pandemia'l COVID-19.
La primera d'elles, en Lorient, Francia, dedicada al elementu AGUA, foi dende'l 15 hasta'l 26 de marzu de 2021.
La segunda, entamada pola Fundación Municipal de Cultura, y col elementu FUEU como protagonista, va desenvolver n'Avilés del 28 de mayu al 11 de xunu.
La última de les previstes, col AIRE como fondu, ta prevista del 13 al 25 de setiembre en Novi Sad, Serbia, Capital Europea de la Cultura en 2021.
Contautu
Telf.: 985 510 045 / 985 510 452
Corréu Electrónicu: zelements.aviles@gmail.com
Fundación Municipal de Cultura
Pz Domingo Álvarez Acebal, 2
33402 Avilés. Asturies
-
Tu Ayuntamiento
20 diciembre 2024 -
Fiestas y Festejos
-
Cultura
-
Fiestas y Festejos
