Contacto

Un héroe samurái. La lleenda de Hank. Direutores Rob Minkoff, Mark Koetsier, Chris Bailey. Divisa Home Video, 2022.
Hank ye un perru encantador cola mollera enllena suaños. El primeru ye'l de poder convertise en samurái; asina que decide que va dir buscar el so destín pa intentalo. Una comedia mui prestosa que ta inspirada nel clásicu de Mel Brooks «Blazing Saddles».

Spider-Man. No way home. Direutor Jon Watts. Sony Pictures, 2022

Ye la primer vez que Spider-Man queda desenmascaráu, dexando al aire la so identidá y poniendo en peligru la so vida y la de los sos seres queríos. Cuando pide ayuda al Doctor Strange, la situación empeora, lliberando a los malos más malos.  a los que nun s'enfrentó enxamás en tol multiversu. 

Clifford. El gran perro rojo (El gran perru encarnáu). Direutor, Walt Becker. Divisa Home Vídeo, 2022

Un día Emily Elisabeth conoz a un rescatador máxicu d'animales que-y un cachorru encarnáu. Lo que nun imaxinaba yera qu'al otru día diba atopase con perru xigante de casi tres metros, nel so apartamentu pequeñu de Nueva York. Entós un científicu llocu intenta garrar a Clifford y ella y el so tíu Casey, van embarcase nuna gran aventura.

¡Canta! 2. Direutor, Garth Jennings. Universal Studios, 2022

El siempre optimista koala Buster Moon y la so compañía musical sueñen con montar un espectáculu tremendu en Redshore City, la meyor capital pa pasalo bien. Sólo hai un problema: tienen de convencer a Caly Calloway, la estrella del rock más solitaria del mundu, pa que se xunten a ellos.

La familia Addams 2. La gran escapada . Direutores, Greg Tiernan y Conrad Vernon. Universal Pictures, 2021

Morticia y Gómez tán angustiaos porque los fíos van medrando y sienten que se van separando d'ellos. Pa recuperar la so xunión, deciden dir de vacaciones xuntos na caravana  embruxada que tienen, con Miércoles, Pugsley, el tíu Fester y el restu l'equipu. La so aventura pelos Estaos Xuníos va llevalos a alcuentros bien prestosos con personaxes nuevos y raros. 

Josee, el tigre y los peces. Direutor, Kotaro Tamura. Selecta Visión, 2021

Ye una moza que va en silla ruedes dende que yera pequeña y Tsuneo un universitariu mozu tamién que suaña con ver dlagún día un pexe pantasma que sólo vive en México. Un alcuentru casual ente los dos que fadrá que Josee decida por fin abrise al mundu de fuera, aquel col que suañó siempre. 

Encanto (Encantu). Direutores, Jared Bush y Byron Howard, Charise Castro Smith. Walt Disney, 2021. Globos d'Oru 2022 a la Meyor Película d'Animación

Los Madrigal viven n'Encantu, un sitiu maraviyosu de les montañes de Colombia, nuna casa máxica. Tolos neños y toles neñes de la familia tienen poderes especiales, la única que nun los tien ye Mirabel. En descubriendo que toa esa maxa ta en peligru , dase cuenta de qu'ella podría ser la última esperanza de la so estraordinaria familia. 

Los Olchis. Direutores, Toby Genkel y Jens Mølle. Divisa Home Video, 2021

Los Olchis busquen una casa nueva onde vivir, pero casi tolos humanos y humanes nun los quieren , porque fieden. En llegando al vertederu de Pestilandia siéntense como encasa y deciden quedase. Pero primero van tener que demostrar a tol mundu qu'ellos son quien a ayudar a salvar la ciudá. 

Pinocho. Direutor, Matteo Garrone. Walt Disney, 2021

Geppetto ye un carpinteru vieyu que construi una marioneta de madera. Pero un día pasa dalgo máxico: una marioneta mui trastu empieza a falar, andar y correr como cualquier neñu. Entós el carpinteru decide pone-y el nome de Pinocho y crialu como a un fíu.  Pero pa Pinocho ye mui complicao ser bonu y sedrá la so amiga fiel, la Fada, quien-y esplique'l so sueñu de convertise nun neñu de verdá, nun se va facer realidá hasta que cambie la so forma de ser. 

Soul. Direutor, Pete Docter. Walt Disney, 2021. Meyor Película d'Animación y Meyor Banda Sonora nos Globos d'Oru 2021

Joe Gardner ye un profesor de música d'un institutu que tien la oportunidá de tocar nel meyor club de jazz de la ciudá. Pero un pasu pequeñu pero en falso, llévalu hasta The Great Before, un sitiu fantásticu onde les almes nueves garren la so personalidá, enantes de dir pa la Tierra.