Entrada en vigor Llei Ambiental

 

El 24 de marzu de 2023 publicóse nel BOPA la Llei del Principáu d'Asturies 1/2023, de 15 de marzu, de Calidá Ambiental, qu'entró en vigor el 14 d'abril de 2023. 

  https://sede.asturias.es/bopa/2023/03/24/2023-02326.pdf 

 

El Títulu III de la Llei regula los instrumentos d'intervención alministrativa pa la proteición de la calidá ambiental, plantegando tres rexímenes d'intervención ambiental, según el grau que tenga la posible incidencia sobre'l mediu ambiente y la salú de les persones, identificando les actividaes sometíes a caún d'ellos y cuál ye l'órganu ambiental que-y correspuenda, a saber:  

 
  • Autorización Ambiental Integrada Ordinaria. AAIO. 
    Conseyería Mediu Ambiente 

 
  • Autorización Ambiental Integrada Simplificada. AAIS. 
    Conseyería Mediu Ambiente 

 
  • Declaración Responsable Ambiental. DRA. 
    Conceyu

Nel so artículu 25.2 dizse que los Conceyos nun van  poder conceder llicencies d'obres p'actividaes que necesiten autorización ambiental integrada, lo mesmo que seya esta ordinaria o simplificada, mientreas que nun se dea'l correspondiente títulu habilitante. 

Poro, les actividaes que dependan de  l'AAAI ordinaria o simplificada tendrán que tramitase na Conseyería de Mediu Ambiente enantes de solicitar les llicencies d'obres o d'apertura nel Conceyu. 

Si la llicencia se solicitare nel Conceyu ensin acreditar qu'hai primero un títulu habilitante de competencia autonómica, ésta va denegase, xenerando esti trámite la correspondiente tasa municipal. 

Si usté tien duldes sobre qué tipo de tramitación tien de seguir, l'art. 26 de la Llei, relativu a consultes preliminares, diz esto: 

 
  1. "Enantes d'entamar colos procedimientos relativos a los réximes d'intervención ambiental, les persones físiques o xurídiques promotores de l'actividá van poder solicitar al órganu competente de la comunidá autónoma información respeuto a los requisitos alministrativos y téunicos d'esi procedimientu. Hai d'axuntar una memoria resumen descriptiva na que se detallen les carauterístiques básiques de l'actuación, incluyendo datos d'onde se va desenvolver, en soporte gráficu".
     
  2. “L'órganu competente tendrá de contestar a la petición recibida, como muncho en diez díes, y pa ello podrá consultar coles persones, instituciones y Alministraciones públiques que pudieren tar afectaes pola actividá”.

 

 

< Volver

Últimas noticias