Dende Deva vamos siguir hasta Cabueñes, la Universidá Llaboral y la Guía pa entrar yá na ciudá y travesar l'Avenida de la Costa, el Paséu de Begoña, el Puertu Deportivu, Poniente y los barrios d'El Natahoyo y La Calzada.

Dexamos Gijón/Xixón diendo pela carretera en direición Avilés y tomamos el camín que va pa Puau, en pasando l'azucarera de Veriña, pa xubir pal Monte Areo. Dempués hai de baxar pa Santolaya y, en pasando la ilesia, síguese pa La Maquila, La Torre y Tamón. 

El camín nesti momentu va pela carretera en direición Tabaza, y equí xúntase cola carretera N-632 que nos lleva hasta Trasona/Tresona y dempués p'Avilés. Éntrase pela Avenida de Xixón, xuntándose cola cai Rivero cerca l'Agospiu de Pelegrinos y Pelegrines.