Contacto

L'antroxu avilesín ta declaráu Fiesta d'Interés Turísticu, siendo la fiesta más popular y de tol calendariu antroxeru astuiranu, onde más xente participa. El Conceyu d'Avilés puxa por ello, y la so organización depende de munches asociaciones y coleutivos ciudadanos.  

En diez díes el Cascu Históricu de la ciudá tórnase folixeru,  sirviendo d'escenariu pa que vecinos, vecines y visitantes enllenen les cais y los sitios d'alcuentru colos amazcaramientos, l'espíritu coleutivu preparúa pa la folixa y el misteriu de lo que s'escuende tres de les mázcares.es.

Amazcárense  les fachaes de los chigres y tamién dientro.  Les persones tresfórmense en personaxes desconocíos. La xente enllena les cais, amazcárase,  camuda la identidá y l'oríxe. Hai más comunicación ente les persones. Lo raro torna a normal y l'aventura… l'aventura ta a la vuelta la esquina.

El llunes y martes d'antroxu hai unes Xornaes Gastronómiques “Menús d'Antroxu”. En varios restaurantes de la ciudá podrá xintase o cenase comida típico d'estes feches: pote, compangu, callos, patatines rellenes y postres tradicionales asturianos como los fixuelos y les bollines.