San Agustín ye patrón de la ciudá d'Avilés, n'honor a Pedro Menéndez d'Avilés (tamién llamáu "Adelantáu de La Florida") esplorador y almirante avilesín que fundó la primer ciudá de los Estaos Xuníos: San Agustín de La Florida, hacia l'añu 1565. Les dos ciudaes tán hermanes y hai munchos llazos culturales que les xune dende entós. 

Les fiestes celébrense na segunda quincena del mes d'agostu. El día grande col que termina esta folixa ye'l 28. 

Nestes feches hai munches actuaciones musicales y culturales: xornaes de teatru, música na cai, conciertos, Festival Folclóricu Internacional, pasacais y festexos populares. 

Destaca sobre too, el Mercáu Medieval, que col  Cascu Históricu como escenariu, escenifica y reproduz dafechu l'ambiente d'un pobláu medieval nun día de mercáu. Más de cien puestos d'artesanía de varios oficios, cetrería, música, comida, animación teatral y xuegos pa la reciella. 

Fiestes de San Agustín 2023