Contacto

Enantes, Ilesia de los Padres Franciscanos. Ye l'edificiu relixosu más vieyu que se conserva hasta agora n'Avilés. Foi munchu tiempu la parroquia de San Nicolás de Bari. Construyóse ente finales del XII y el sieglu XIII, y al principiu d'estilu románicu.

Destaca la so portada principal, que tien restaurada una parte. Pero, a pesar de tolo desgastada que ta la piedra —hai de pensar que tuvo munchu tiempu al llau del puertu— tovía  pueden vese dalgunos de los sos primeros capiteles , con representaciones alegóriques, como'l que ta decoráu con motivos felinos, pero'l más destáu y claru ye'l primeru de la parte de la derecha, onde se ve a Adán y a Eva na escena de la Biblia del "pecáu orixinal".

Dientro la ilesia, hai pa la izquierda del altar un mausoléu, colos restos del marín avilesín, Pedro Menéndez, fundador de San Agustín de La Florida, la ciudá más antigua de los EE.UU. d'América. Morrió en 1574 y dexó estipulao nel so testamentu que lu enterraran nesta ilesia.