Información del Grau de Cumplimientu de los Servicios Públicos

Desenvuélvense de siguío dos ámbitos d'actuación. En primer llugar: contabilidá analítica: costos y actividaes finalistes. En segundu llugar: funciones de control internu. Estos ámbitos atópense d'acordies col artículu 8. F de la Llei 8/2018, de 14 de Setiembre, de Tresparencia, Bon Gobiernu y Grupos d'Interés del Principáu d'Asturies que señala que: "van ser oxetu de publicidá los resultaos de les auditoríes, internes o esternes, d'evaluación de la calidá, eficiencia y eficacia de los servicios públicos".

CONTABILIDÁ ANALÍTICA: COSTES Y ACTIVIDAES FINALISTES

La Orde HAP/1781/2013, de 20 de setiembre, pola que s'aprueba la Instrucción del modelu normal de contabilidá llocal establez, na so Disposición transitoria tercera, relativa a la información sobre'l costu de les actividaes y indicadores de xestión, que les entidaes qu'apliquen la instrucción del modelu normal de contabilidá llocal van tener la obligación d'incluyir la información de lo que cuesten  les actividaes y los indicadores de xestión que conformen les notes 26 y 27 de la Memoria, nes Cuentes Añales de 2017. 
Según la Orde HAP/1781/2013, la información contenida nes notes 26 y 27, va ellaborase siquier, pa los servicios y actividaes que se financien con tases o precios públicos y namás, van tar obligaos a rellenala los conceyos de más de 50.000 habitantes y les demás entidaes llocales d'ámbitu cimeru. 

Por aciu el Resolvimientu de 28 de xunetu de 2011, de la Intervención Xeneral de l'Alministración del Estáu (IGAE), regúlense los criterios pa la ellaboración de la información sobro costos d'actividaes ya indicadores de xestión a incluyir na memoria de les cuentes añales del Plan Xeneral de Contabilidá Pública. Según s'establez nesa Resolución, van tar obligaos a definir estos indicadores pa meter na memoria tolos entes integraos nel Sector Públicu Estatal. Per otru llau, la Llei 27/2013, de 27 d'avientu, de Racionalización y Sostenibilidá de l'Alministración Llocal, tien como oxetivu básicu esclariar les competencies municipales pa evitar duplicidaes y racionalizar la estructura organizativa de l'Alministración Llocal, al empar qu'asegurar un control financieru y presupuestariu más rigorosu, d'alcuerdu colos principios d'eficiencia, estabilidá y sostenibilidá financiera.

Nesti contestu, el Conceyu d'Avilés plantega un sistema d'información contable y económica pa poder algamar la información necesaria y rellenar les citaes notes que tienen de dir xunto cola Cuenta Xeneral dende l'exerciciu 2017, pudiendo asina informar de les actividaes  que se ficieron lo mesmo na entidá principal como nos sos  Organismos Autónomos.

Documentación:

Información de lo que cuesten les actividaes. Conceyu d'Avilés 2020
Información de lo que cuesten les actividaes. Fundación Deportiva Municipal 2020
Información de lo que cuesten les actividaes. Fundación Municipal de Cultura 2020
Indicadores de xestión y oxetivos programaos. Conceyu d'Avilés 2020
Indicadores de xestión y oxetivos programaos. Fundación Deportiva Municipal 2020 Indicadores de xestión y oxetivos programaos. Fundación Municipal de Cultura 2020

CONTROL INTERNU

El control internu ye l'exercíu nes Entidaes Llocales respeutu de la so xestión económica, y nel so casu, la de los organismos autónomos y de les sociedaes mercantiles d'elles dependientes, na so triple xera d'interventora, control financieru y controles d'eficacia y eficiencia.  

Con esti fin, la mesma entidá aprobó un Reglamentu de Control Internu de la xestión económica del Conceyu d'Avilés , organismos autónomos y entidaes dependientes (BOPA 20-3-2018) que tien como oxetivu poner en manos de la entidá llocal una ferramienta que pueda ser considerada como imprescindible na so actuación diaria pa que'l so llabor se faiga con mayor profesionalidá y tresparencia.

Documentación: 

Resumen Plan Añal Control Internu 2020

Auditoríes operatives y de sistemes dientro'l Plan del Añu 2020: 

    Auditoría operativa Servicios Auxiliares d'Avilés exerciciu 2019
    Auditoría operativa La Curtidora exerciciu 2019
    Auditoría operativa Rehabilitaciones Urbanes Avilés 2019
    Auditoría operativa Consorciu Albergue d'Animales 2019
    Auditoría de sistemes del rexistru contable de factures añu 2019
 

< Volver