La Fiesta'l Bollo

Información

Nel añu 1972 declaróse Fiesta d'Interés Turísticu Nacional.

Les fiestes d'El Bollo xurden a lo cabero'l sieglu XIX, siendo una amuesa de convivencia y participación popular que celebra la llegada de la primavera y el final del ayunu pascual. Faise en terminando la Selmana Santa, nel Domingu Ramos y Llunes de Pascua. 


La fiesta llámase asina por esi bizcochu mantecáu y escarcháu en forma trébole de cuatro fueyes que se llama Bollo. El Domingu de Resurreición los padrinos y les madrines regalen a los sos afiaos y afiaes un bollu mantecáu  dempués de recibir la palma'l Día Ramos. El Bollo lleva mantega, farina, güevu y zucre.  

El Domingu de Pascua, al mediu día, y el Llunes de Pascua, pela tarde, percuerre les cais de la ciudá  un desfile de carroces adornaes, xigantes y cabezudos, bandes de música y grupos folclóricos. Les carroces diséñenles y constrúyenles les asociaciones ciudadanes, reflexando motivos alegóricos de la primavera o elementos representativos de la ciudá. La fiesta complétase con delles actuaciones musicales: corales d'habaneres, música celta y verbenes. Y a les doce la nueche, fueos artificiales que se tiren dende la Ría.   
 

 

 

 

El Llunes de Pascua hai una comida al aire de munchísima xente nes cais del Cascu Históricu y parques de la ciudá. En varies cais del cascu históricu, pónense meses en ringlera ocupando más de cuatro mil metros de llargu, con una media de doce mil persones siéntense a charrar y comer coses feches en casa o encargaes nos chigres. A la mocedá présta-y más dir a los       parques de la ciudá comer ellí na yerba que va ser mesa y sitiu nel que sentase. 

 

 

 

 

 

 

Últimas noticias