L'edificiu L Noria del parque Ferrera conviértese nel Espaciu de Bienestar Emocional, Prevención y Autocuidáu (BEPA) pa la mocedá. El sitiu nel que ta, abulta que se va convertir, coles actividaes sociales que va desenvolver, na referencia pa la mocedá d'Avilés en materia d'atención de les os emociones, dalgo cimero p'afitar el so espoxigue integral ensin riesgos amestaos pa la salú física, síquica y social. 

La medida ta dientro de la Estratexa de la Xunión Europea pa la Mocedá 2019/2027 y llanta como ún de los sos oxetivos meyorar, no referente al so impactu sobre la mocedá, les decisiones polítiques en toles estayes, en particular nel mundu del trabayu, la educación, la salú y la inclusión social".