Proyeutos Europeos «Muyeres tres de la Cámara», dentro'l proyeutu européu Wom@rts

Toles sesiones sedrán telemátiques, y podrán siguise na canal de Youtube de la Factoría Cultural dende les 20.00 hores.

 
Información

Dientro'l proyeutu européu Wom@rts, la conceyalía de Cultura d'Avilés -de la mano de la Factoría Cultural y la Fundación Municipal de Cultura-, entama'l ciclu de cine Muyeres tres la cámara, poniendo cinco películes y documentales dirixíos  por realizadores de prestixu internacional.

La primera,  L'ìle de Chelo, va ser el 8 de marzu, Día Internacional de la Muyer. 
Toles sesiones podrán siguise na canal de Youtube de la Factoría Cultural a partir de les 20:00 hores, y primero hai un alderique nel que varies muyeres intercambiarán idees sobre les películes, el so contestu históricu y  les sos connotaciones presentes. 

Na sesión inaugural, van intervenir Yolanda Alonso, conceyala de Cultura; la música y compositora Beatriz Mayo Mangue, y l'abogada Almaluna Ubero Paniagua, máster en Proteición Xurídica de Persones y Grupos vulnerables, rellacionada con movimientos sociales y organizaciones polítiques y sindicales. 

Lo primero que se va poner sedrá  L'île de Chelo, un documental de 2008 sobre la figura de Chelo, combatiente antifranquista, y la so llucha pa poner una estela funeraria na fosa común na que reposa Arcadio, el so compañeru y guerrilleru que cayere nuna emboscada de les tropes fascistes en 1946. 
El documental, que dura 57 minutos, ye una obra colectiva, de los cineastes Laetitia Puertas, Ismael  Cobo y Odette Martínez-Maler. A esta última, guionista, fía tamién d'un guerrilleru antifranquista esterráu en Francia, cambió-y la vida al facelu, porque-yos da voz a los que llucharon pola llibertá, como fixere'l padre.   

La mesma Odette confiesa que lo que más-y dolió al padre «foi siguir na clandestinidá y que lu siguieren considerando'l nel so propiu país como un bandoleru o asesinu, y non un guerrilleru antifranquista que auiso lluchar polos valores que defendía la República, d'emancipación de la muyer, llibertá, igualdá y escuela pa toos».


El Centre Audiovisuel Simone de Beauvoir en París, participante nel proyeutu Wom@rts, pon a disposición de la Factoría Cultural el material cinematográficu que va poder vese hasta mayu dientro'l ciclu. 

Calendariu de proyeiciones: 
••         8 de marzu: L'ìle de Chelo, de Laetitia Puertas, Odette Martinez-Maler e Ismael Cobo. 
••         26 de marzu: Un trozo de azul, de Florence Jaugey. 
••         9 d'abril: S.C.U.M. Manifesto, de Carole Roussopoulos y Delphine Seyrig. 
••         16 d'abril: Les branleurs de la Havane, de Cécile Pantigre. 
••         7 de mayu: Profession: agricultrice, de Carole Roussopoulos, Corinne Hape y Anne Risso.

Proyeutu Wom@rts 
Esti ciclu cinematográficu xurde nel marcu del proyectu européu Wom@rts, que tien el sofitu de la Comisión Europea al traviés del Programa Europa Creativa,  coles mires d'impulsar la conocencia de muyeres artistes qu'espleguen el so talentu nel sector cultural, con especial sofitu a les organizaciones audiovisuales.

 Wom@rts  la iniciativa pública y privada ensin ánimu d'arriquecimientu, tien como instituciones participantes, el Centre Audiovisuel Simone de Beauvoir, de Francia. 
En Wom@rts, amás del Centru Audiovisuel Simonde Beauvoir y de la conceyalía de Cultura d'Avilés al traviés de la Fundación Municipal de Cultura y la Factoría Cultural, participen el Conceyu de Santiago de Compostela - Auditoriu de Galicia (España); Women in Filme and Television  WIFT (Finlandia); Viesoji istaiga Vilniaus rotuse - Casa de Cultura de Vilnius (Lituania); Communauté d'Agglomération du Grand Angoulême (Francia); Limerick Institute of Technology - Limerick School of Arts & Design (Irlanda); el Festival of Literature and the Arts Ltd. (Reinu Xuníu); Academy of Applied Arts University in Rijeka (Croacia), y UGM Maribor Art Gallery (Eslovenia). 

Contautu

Telf: 985 548 617
Corréu Electrónicu: eceramica@aviles.es

Señes

Factoría Cultural d'Avilés
Av. de Portugal, 13
33402 Avilés. Asturies

 


Asset Publisher