Contacto

Ye'l pulmón del centru la ciudá, un espaciu natural grande, guapu y tranquilu qu'un cientu de persones, de toles xeneraciones, aprecien y disfruten tolos díes. 

Munchos sieglos foi del marquesáu de Ferrera, tando sientro de la finca'l palaciu que tenía'l mesmu nome. El Conceyu d'Avilés comprólu pa que lu usare la xente y inaugurólu'l Rei Juan Carlos I en mayu de 1976. 

Ta dividíu en dos partes bien diferentes: el parque d'estilu inglés y el Xardín Francés. La parte d'estilu inglés tien espacios mui abiertos con prau, estanque y zones de viesca con exemplares centenarios de texos, cedros, pinos, carbayos, bedules, castañales, etc. El francés tien tolos elementos que lu definen como xardín palaciegu: árboles, pérgoles, fontes y trazaos singulaes de buxu nos "parterres". 

Nél hai munchos bancos y servcios como una zona infantil, zones señalizaes y con aparatos pa facer ximnasia, hemeroteca, quioscu de la música, aula de mediuambiente, baños, etc. 

Abre a les 7:00 hores y pieslla a les 23:00. Tien cinco entraes: peles cais Galiana, Rivero, Cervantes, El Marqués y pela Casa la Cultura.