Contacto

Tol paséu que se fai pela ría d'Avilés ye per un camín asfaltáu y cómodu con una xubida mui suave 
Salimos de cerca'l puertu pesqueru y la Rula, na oriella izquierda de la ría y tirando p'arriba pasamos delantre la escultura “Avilés” diendo en direición a la Ponte de San Sebastián, pela que cruzamos pa la otra oriella llegando al  Centru Cultural Niemeyer . Equí tamién hai un cachu metálicu de la ponte vieya de San Sebastián; esta foi, munchu tiempu la única ponte que xunía les dos orielles de la ría.

Pa la drecha ta la Plaza'l Pescáu, dende la que sal la pasarela peatonal “La Grapa” que xune Avilés col Centru Cultural Niemeyer       

Siguimos, en pasando la Ponte Azud, hasta un sitiu onde compartimos paséu cola “Ruta l'Aceru” creada hai poco, onde podemos ver delles escultures metáliques d'artistes diferentes. En llegando a l'altura del Pobláu de Llaranes volvemos a pasar pa la oriella izquierda pa dir baxando hasta cerca'l cruce Larrañaga, y cerca ta tamién la Rula antigua (güei desparecida) y onde entamen los pantalanes deportivos terminando'l paséu. 

Carauterístiques
•    Baxada acumulada: 24 m.
•    Xubida acumulada: 25 m.
•    Lo más baxo: 4 m.
•    Lo más alto: 10 m.
•    Percorríu: 4,9 km.
•    ¿Cuánto dura?: 1 h. 12m.

Perfil