Plan de Movilidá Urbana Sostenible
Información
L'oxetivu del PMUS ye definir una ferramienta de xestión en materia de movilidá pa les entidaes públiques, que puxe poles midíes necesaries pa organizar el tráficu, pa que quede garantizada la seguridá vial de la ciudadnía y pa qu'integre tolos medios de tresporte nun mesmu modelu de movilidá sostenible, dende'l puntu de vista ambiental, social y económicu.
El pegoyu qu'asegura que se van cumplir estos oxetivos ye'l conocimientu fondu de cómo ta la situación. L'análisis y diagnósticu del escenariu qu'hai agora dexen que nos demos cuenta d'ónde y cómo hai de desenvolver el Plan d'Aición y desendolcar asina llinies estratéxiques que contribuyan a meyorar les condiciones qu'había primero.
Los oxetivos xenerales d'esti Plan de Movilidá Urbana Sostenible son éstos:
| |
- Conseguir un tresporte coleutivu bonu, competitiu y integráu escontra'l coche propiu motorizáu, según los datos que se recueyan y les encuestes que se faigan nes estaciones y dientro de los mesmos tresportes públicos.
- Puxar porque la xente vaya andando a los sitios, creando rutes y espacios seguros, cómodos y afayadizos. Amás, inclúyese l'estudiu de caminos peatonales seguros pa llegar bien hasta los centros educativos y tamién a centros de persones mayores.
- Xestionar la ufierta p'aparcar como ferramienta d'intercambiu pa otres formes de tresporte más sostenibles, cola mestura d'aparcamientos regulaos na cai y aparcamientos soterraos, xunto con aparcamientos nes entraes de la ciudá, y aplicr midíes qu'aseguren un númberu mínimu de places pa carga y descarga, places pa persones con problemes pa movese y places pa cargar coches eléctricos.
- Informar, deprender y educar según los principios y oxetivos que se planteguen nel Plan con una participación ciudadana d'una forma estructurada y compartida, qu'involucre a toles estayes rellacionaes cola movilidá n'Avilés.
- Adautar la normativa del Conceyu a los criterios nuevos de movilidá, siguiendo les directrices que xurdan del Plan de Movilidá Sostenible.
- Puxar porque s'usen con xacíu los coches particulares motorizaos, aconseyando que sólo se lleven en viaxes, nos que nun haya una opción meyor.
- Procurar l'usu de la bibicleta sobre too, faciendo qu'esta forma de movese seya compatible cola xente que va andando o tamién colos coches, asegurando la convivencia ente toos estos medios dende una propuesta nueva d'infraestructura ciclista, según el resultáu de les encuestes que se faigan a peatones, ciclistes y conductores.
- Conseguir que la carga y descarga se faiga d'una manera rápida, ensin qu'influyan nel tráficu del centru la ciudá nin nos centros residenciales.
- Puxar pola mestura ente les diferentes formes qu'hai de desplazamientos, pa equilibrar l'usu del coche que cada vez ye mayor, compensando eses diferencies tan grandes qu'hai d'usu d'unes formes de desplazamientu y otres, plantegando modelos más equilibraos y bonos que cubran les necesidaes de la ciudadanía.
- Integrar les llinies estratéxiques de movilidá nun plazu llargu de tiempu na configuración del territoriu públicu urbanu, esaminando y valorando la rellación qu'hai na cai ente'l tresporte públicu, la parte peatonal y les bicicletes en tolos planes y plantegamientos que'l Conceyu d'Avilés vaya desenvolver, lo mesmo los que yá tán dientro de documentos oficilaes como'l PGOU, como los que se tán estudiando y tramitando agora.
|
Publicaciones
¿Nun alcuentres lo que necesites?
Si nun yes quien a atopar la información que necesites nel nuestru portal, proponémoste qu'uses dalguna d'estes ferramientes, va prestanos ayudate.
Ayuda
