Plan Estratéxicu de Promoción Social 2016-2020

Información

El Conceyu d'Avilés lleva tiempu apostando pol bienestar social de la so población. Son munchos años de trabayu ente la ciudadanía, la so representación política, los servicios municipales y les entidaes y axentes sociales del territoriu.

L'Axenda Social Renovada pa Europa señala que la realidá ta tol tiempu cambiando y "les polítiques sociales tienen de siguir el ritmu d'estes realidaes cambiantes: tienen de ser flexibles y dir al mesmu tiempu que los cambios. Ye necesario que tolos niveles de gobiernu respuendan a esti desafíu".

Les midíes sociales "tienen d'acercase lo más posible a la ciudadanía", y hai de "renovar los medios" p'algamar retos y desafíos nuevos, pa ello ye necesario "centrase en da-y puxu al papel que xueguen les persones y dexar que s'aproveche tol so potencial". 

Esti documentu que se presenta agora, xurde del análisis de la realidá social y los sos cambios, asina como de los procesos y resultaos de les nuestres polítiques, entendiendo'l bienestar como derechu de la ciudadanía que tienen de garantizar los poderes públicos. Ta pensáu pa que seya un camín pa siguir dende lo que se necesita de verdá,  dende les persones, los sos recursos y polo que nagüen y pa qu'empobine al Conceyu a dar unos servicios públicos bonos siempre y tamién nun momentu como ye esti con una situación socioeconómica tan complicada.

Por eso, ponemos a disposición de la población del Conceyu, de les persones con responsabilidá política y téunica del territoriu y a cualquier otru que participe p'algamar el bienestar, esti Plan Estratéxicu de Promoción Social del Conceyu d'Avilés 2016-2020.

Documentu Plan Estratéxicu de Promoción Social 2016-2020

 

< Volver

Últimas noticias