Contacto

N'otres dómines yera una zona de viesca con munchos carbayos y d'ehí vien el so nome. Entá-y queden les güelgues de cuando yera una aldea de la antigua villa marinera. 
A lo último de la  Cai Galiana    ta'l parque d'El Carbayedo, una zona verde grande rodeada de cases populares, onde s'atopen ñicios d'aquella aldea y que güei ye zona de bares y d'ociu pa les families pel día y d'ambiente mozu pela nueche.   

    
La zona d'El Carbayedo, ta dientro'l cogollu urbanu de la ciudá dende'l sieglu XVII. A lo primero foi una zona de viesca y tamién aldea. Hasta mediaos del sieglu XX foi sede de la feria'l ganáu, conservándose d'aquella un pilón pa beber los animales y que güei ye una fonte. 

Tamién hai un horru, símbolu de l'arquiteutura de les aldees asturianes, que sirve pa guardar los productos de la güerta, pa salvalos de la muga y los ratos. 

Na parte alta de la plaza ta la capiya onde se adora la imaxen de "Jesusín de Galiana". La capiya d'agora fízose en 1892 onde taba enantes la capiya de San Roque, patrón d'esta zona. Nesa capiya piquiñina pueden vese tres de les imáxenes más destacaes de la Selmana Santa avilesina: "Jesusín de Galiana", La Dolorosa y San Xuan Evanxelista.