Presentación de la Ciudá

Información

Avilés ye una ciudá que ta na costa central d'Asturies y ye la sesta de les aries metropolitanes más grandes d'España,  según la so actividá. 

Avilés destaca , porque supo facer que la parte de ciudá milenaria que ta viva y presente nun de los cascos hitóricos meyor conservaos del norte España, vaya al empar d'un procesu de modernización pol que la vemos como ciudá europea que va camín de les formes nueves de progresu y convivencia.

Somos una ciudá moderna, vanguardista , qu'apuesta por actividaes económiques nueves xuníes al conocimientu, la investigación y l'anovación. Nos últimos años supo conservar lo meyor de la so historia xunto col conceutu nuevu de ciudá sostenible, dinámica, anovadora y participativa.

Al llau de la ciudá medieval xurde una ciudá nueva y moderna que ye quien a atrayer cada añu a miles de visitantes que plasmen al ver el nuestru patrimoniu cultural. Los equipamientos nuevos, ente ellos el Centru Cultural Internacional Oscar Niemeyer, convierten a la ciudá nuna gran plaza d'intercambiu de cultura, artes y pensamientu.

Avilés afítase como un de los nuevos centros turísticos del norte España, con estayes que van teniendo muncha importancia como'l Turismu Cultural, Turismu Idiomáticu, Turismu de Congresos y Turismu de Cruceros. Un turismu especializáu, con bayura chigres, sitios pa comer y una variedá gastronómica que cada vegada ye mayor y qu'algama más protagonismu dientro y fuera la ciudá. En tol añu hai munchos motivos pa visitar Avilés.  

Avilés puxó por una industria moderna, que puede vese nel Parque Científicu Tecnolóxicu "Avilés Islla de la Innovación", nel que convive la producción de pieces industriales grandes, dientro de los grandes proyeutos teunolóxicos del mundu, con proyeutos nuevos d'inxeniería, centros d'I+D grandes, y industries d'empreses teunolóxiques qu'espoxiguen abondo.

Avilés ye tamién un modelu nuevu de convivencia que supo convertir les rellaciones humanes nun elementu d'epoxigue y convivencia. La ciudá ta dientro la Rede de Ciudaes Amigues de la Infancia.

Por too eso, Avilés ye un exemplu de ciudá diseñada por y pa les persones.

 


Asset Publisher