Reclamaciones de Consumu
¿Qué ye una reclamación en materia de Consumu?
La Reclamación en materia de Consumu ye la comunicación que fai un consumidor o consumidora, usuariu o usuaria a l'Alministración cuando cree qu'una empresa ta atacando los sos derechos como consumidor o consumidora.
El procedimientu puede entamase cuando un consumidor o consumidora presente una fueya de reclamaciones oficial (Decretu 6/2005, de 19 de xineru pol que se regulen les fueyes de reclamaciones a disposición de los y les consumidores, usuarios y usuaries) y/o cola presentación d'un escritu nel que tean los datos de les dos partes (reclamante y empresa reclamada), con una esposición de los fechos, con fecha y firma.
Lo mesmo la fueya de reclamación oficial que l'escritu tedrán de dir acompañaos de los documentos qu'acrediten la reclamación (factura, ticket, contratu, presupuestu, etc).
En recibiendo la reclamación, la OMIC mandarála a la empresa reclamada pa que les dos partes lleguen a un alcuerdu.
En dalgunos casos les reclamaciones sirven pa comprobar si se fai dalgo mal en materia de Consumu, pudiendo llegar a tener qu'abrise un procedimientu sancionador y, si fuere necesario puede llegar incluso a ponese una multa a quien cometa la falta.
La reclamación presentase per vía telemática na Sede Electrónica o presencialmente nel Servicie d'Atención Ciudadana (SAC).
Tamién pueden presentase les reclamaciones de forma telemática na sede electrónica del Conceyu d'Avilés:
Reclamación en Materia de Consumu
Tien de descargar la instancia xeneral, rellenala colos datos correspondientes y axuntala como documentu nel trámite de la sede.
Presentación de Reclamaciones Presenciales nel SAC
Nel Serviciu d'Atención Ciudadana (SAC) atenderáse presencialmente mediante Cita Previa. Puede concertase una cita llamando al teléfonu 985 122 100 o per internet nestos enllaces :
Pidir Cita Primero n'OAR del Conceyu
Pidir Cita Primero n'OAR del Foco
Esti seviciu de cita previa va meyorar la eficacia y la calidá de los servicios prestaos nes Oficines d'Atención Ciudadana, evitando esperes y desplazamientos que nun son necesarios.
Horariu d'atención al públicu: Atenderáse presencialmente pidiendo cita primero de llunes a vienres, dende les 9:00 hasta les 14:00 hores
Puede concertar una cita previa llamando al teléfonu 985 52 11 55, o n'Internet nesti enllaz:
Cita Previa Oficina Municipal d'Información al Consumidor (OMIC)
Corréu electrónicu: consumo@aviles.es
Teléfonu: 985 52 11 55 de 9:00 a 14:00
Oficina Municipal d'Información al Consumidor
Conceyu d'Avilés
Edificiu Servicios Sociales
C/ Galiana 11
33402, Avilés
-
Personas y Bienestar
-
Mantenimiento y Via Publica
26 marzo 2025 -
Personas y Bienestar
