Saluda de l'Alcaldesa

Información

El mio saludu a toles persones qu'entráis nesti espaciu que'l Conceyu d'Avilés vos ofrez con un conceutu mui nuevu de lo que ye e-alministración, pa tener siempre comunicación con tolos vecinos y toles vecines, asina como coles persones que quieren conocer la realidá d'Avilés. Per aciu d'esta ventana queremos que tol mundu algame esa realidá d'Avilés.

Somos una ciudá con más de mil años d'historia que puen vese nun de los cascos históricos medievales meyor conserváu del norte d'España, empobináu al espoxigue d'un modelu de ciudá moderna, dinámica, emprendedora, socialmente responsable y vanguardista.

Avilés ta definiendo un modelu nuevu de ciudá industrial, sostenible, comprometida colo nuevu y col conocimientu, que quier construyir un conceutu nuevu industrial n'Europa basáu nel so texidu industrial sofitáu, en grandes empreses que güei tán presentes en dalgunos de los grandes avances científicos del mundu.

Nos últimos años Avilés recuperó la so bayura pa convertise nun referente cultural del nuestru país, y un espaciu turísticu nuevu onde la historia se xunta n'equipamientos modernos que seyan quien a sorprender a toles persones que nos visiten, y que güei vive un procesu integral de renovación y coleutivu col deseyu d'abrir escenarios nuevos de progresu y bayura y ser referente n'Europa.

Con esti portal web incorporamos un conceutu ambiciosu d'e-alministración, qu'afaya l'accesu rápidu a la información y a los servicios qu'ofrez la ciudá, reduz el tiempu y el coste nes tramitaciones de tolos procesos alministrativos de la ciudadanía y les empreses, y refuerza'l compromisu de cercanía y prosimidá que siempre identificó al nuestru Conceyu.

La e-alministración déxanos ser más eficientes na prestación de servicios, dexar nun actu solamente los principales procedimientos, ganar en tresparencia apostando porque llegue a toles persones de la información que tien el nuestru conceyu y afayar la entrada a esti portal de toles persones (al marxe de les sos condiciones físiques y sensoriales). Amás esti portal dexa qu'Avilés llegue a sitios nuevos y a más persones, faciendo que participen d'una ciudá que vivió nos últimos años un procesu de cambiu convirtiéndose nun espaciu mui humanu pa vivir, pa entamar proyeutos nuevos y pa visitala.  

 

 

< Volver

Últimas noticias