Selmana de les Persones Mayores 2024

Información

SELMANA DE LES PERSONES MAYORES 2024

Esti 2024, na 34ª conmemoración del Día Internacional de les Persones mayores, les Naciones Xuníes  dedicáronse a protexer y preservar la dignidá de les persones mayores.

El lema ye: " Avieyar con dignidá: reforzar los sistemes d'atención y asistencia a les persones mayores en tol mundu".

Equí n'Avilés, más p'allá de l'adautación necesaria a los cambios sociales, y ales lleiciones bien deprendíes cola pandemia, como diz el lema d'esti añu, queremos celebrar esti día asegurando que'l futuru y la dignidá tien de vistise de cuestiones constructives dende la parte social y personal, col fomentu de l'autonomía y de l'atención y la prevención de la dependencia, la llucha escontra l'edadismu y la soledá non naguada, y l'impulsu por dir diendo pa vieyos o vieyes d'una forma activa y sana.  

Eso ye lo que queremos asoleyar nel nuestru plan d'aición n'Avilés como ciudá prestosa pa les persones mayores, desaniciando estereotipos y microedadismos que nun nos dexen tirar p'alantre nel cambiu social, queremos que les persones mayores seyan un elementu clave na sociedá y atender les peculiaridaes individuales como persones atives na comunidá, añadiendo vida a los años. 

Poro, toos estos elementos clave son la simientu pa esta selmana que celebraremos del 1 al 3 d'ochobre, y que va consisitir  en:

Martes 1 d'0chobre. 

Retratu: El nuestru Conceyu preparáu pa entamar la celebración. 

Retratu: L'alcaldesa Mariví Monteserín saluda y presenta la programación de les xornaes

Retratu: Conferencia "Avieyar y Edadismu por Teresa Matinez Rodriguez

Retratu: Un viaxe de Vida. Historia y Lleiciones. Entrevista a Paca Sauquillo pola periodista Marisol Galdón.

 

Retratu: Aconceyamietu con grupos focales. Xornada de trabayu definición anteproyeutu Plan d'Aición

Miércoles 2 d'ochobre. 

En el diagnosticu de ciudá  prestosa coles personas mayores nel aria de Respeutu a la Participación social pídense espacios d'alcuentru ente persones asemeyaes; poder plantegar rellaciones de sofitu na comunidá, ente persones diferentes pal enriquecimientu de les dos partes y por supuesto, no, apartaos de la mocedá.
 
En cuanto al apartáu de Respetu y inclusión social soliciten  más actividaes entexeneracionales (taríen encantados y encantaes de tener charres, xuegos, actividaes compartíes cola mocedá de la ciudá), diendo a los diferentes barrios y tamién con visites programaes pa les persones residentes o usuaries de centros de mayores, asilos/residencies, pa participar n'espacios comunes de la ciudá: escursiones, visites guiaes (museos, esposiciones).
 
D'estes propuestes xurde la idea de desendolcar un Programa de Deprendimientu-Serviciu, proyeutu entexeneracional puestu en marcha pol Serviciu de Mocedá del Conceyu d' Avilés nel tercer trimestre del cursu 2022/23, pel qu'estudiantes de FP de los centros educativos de la ciudá faen actividaes d'aición comunitaria pa mayores de 60 años.
 
El deprendimientu-serviciu ye un métodu de deprendimientu nuevu qu'integra'l serviciu a la comunidá y la reflexón crítica col deprendimientu académicu, l'esposigue personal y la responsabilidá cívica. Trátase d'una ferramienta poderosa de deprendimientu y trasformación social, que respuende al oxetivu últimu de la educación: formar ciudadanos y ciudadanes competentes que son quien a camudar la sociedá.
 
El deprendimientu-serviciu ye un métodu para xunir el deprendimientu col compromisu social. Ye deprender faciendo un serviciu a la comunidá.

Presentes tolos axentes implicaos nel proyeutu:

  • Centros educativos de FP
  • Téuniques/Téunicos municipales
  • Entidaes ciudadanes
  • Persones mayores
  • Responsables, téunicos y téuniques de Centros de mayores
  • CPR

Retratu: Formación dada pola pedagoga Roser Batlle Suñer

APS presentación.

: Retratu: Teatru Costumista adautación "La Consulta" pol Grupu Les Teatres.

Retratu: Edadismu y Soledá non naguada. Modera Ana Suárez Guerra conceyala de mayores Conceyu d'Avilés. 

Participen:

  • Carolina Fernández González. Sicóloga y Trabayadora social del Conceyu d'Aviles.
  • Cecilia Fernández González. Animadora socio-cultural CPR El Nodo.
  • Laura Alonso González. Coordinadora d'atención socio sanitaria del aria sanitaria III.
  • Angélica Navarro Fernández y Delfina Rodríguez Sánchez vecines del conceyu

Xueves 3 d'ochobre. 

Mesa d'alderique sobre la imaxen de les persones mayores nel periódicu. Estereotipos y realidá social cola participación de representantes de medios de comunicación d'Asturies y d'Avilés.

Retratu: Modera Marisol Delgado. Participen:

  • La Nueva España (Grupu Prensa Ibérica), Covadonga Jimenez direutora n'Avilés
  • La Voz de Avilés, Ruth Arias Fernández xefa de Redaición.
  • Cadena Ser, Josu Alonso delegáu n' Avilés y xefe d'Informativos SER Avilés.
  • Cadena Cope, Borja García Rodríguez delegáu  n'Avilés.

Retratu: Actuación Musical del grupu Santa Bárbara Rock.

< Volver

Últimas noticias