Contacto

Esti camín guapu, anque nun tien más de 2 quilómetros da munches sorpreses, como'l Molín de La Tabla que ta restauráu o'l parque pa xugar y entrenar pa les mascotes. 

Echamos a andar dende'l  Pabellón d'Esposiciones de La Madalena, dexando l'edificiu a la mandrecha y, siguiendo la muria qu'acuta les instalaciones, entramos nel camín. 

Caminamos pela oriella drecha del ríu per un trazáu de tierra compacto, lo que fai que'l paséu seya mui cómodu pa tol mundu. El trazáu combínase con pasareles de madera que ruempen la monotonía. Y les vistes pa lo fondero cola Sierra de Bufarán acompáñennos hasta que se termine la ruta. 

Sólo hai un puntu del camín onde se ruempe la calma, teniendo que tener cuidáu colos coches que van per una carretera secundaria. Tando yá debaxo'l viaductu y colos bancos qu'hai pa descansar, podemos desandar el camín. 

SIENDA PREPARADA PA LA MARCHA NÓRDICA

Carauterístiques
•    Baxada Acumulada 0m
•    Xubida Acumulada 40 m
•    Lo más baxo 11.2 m
•    Lo más alto 53.1 m
•    Percorríu 2.1 km