Nos últimos años, los problemes económicos supusieron tamién un problema grande pa poder comprar casa, y munches persones tuvieron qu'alquilala. 

El Conceyu d'Avilés, per aciu de la Fundación San Martín, nel 2004 entamó un programa esperimental de "Intermediación del alquiler", nel que, per un llau, daba garantíes pa les persones propietaries (físiques o xurídiques) de cases desocupaes pa que les punxeren n'alquiler, pretendiendo aumentar la ufierta d'alquiler y, por eso, baxar los precios de los alquileres.  

Con esti programa de “Avilés Alquila” qu'entamó de forma pionera en 2012,  propónense incentivos nuevos de publicidá y teunolóxicos, plantegando un  sistema de seguros, que cubren estropicios, non pagar, sofitu xurídicu, etc…lo mesmo pa les axencies collaboradores como pa los dueños y les dueñes de les cases y pa inquilinos y inquilines.

Al facilitar estos incentivos, y pa qu'estos nun provoquen indirectamente una xubida del alquiler, "zonifíquense" distintos barrios con unos alquileres como un preciu máximu al mes, onde la persona que vive n'alquiler puede pagar menos que nel mercáu llibre y tamién puede firmar un contratu d'alquiler tipu, propuestu pola Oficina Municipal de Vivienda d'Avilés, pa que nun se dea una posición contractual dominante.

Asina, les persones que necesiten una casa pueden tener más posibilidaes pa conseguir una vivienda n'alquiler. 

Tamién se creó una Rede d'Axentes Collaboradores qu'asumieron una riestra funciones pa echar a andar y poner a funcionar el programa, como ye la de conseguir cases vacíes y mediar ente la persona qu'alquila la so casa y la que quier alquilar una. 

Amás, en casu de qu'hubiere dalgún problema ente les dos persones, podrá solicitase una mediación a la Fundación San Martín, col conveniu de "mediación" firmáu cola Cámara de Comerciu d'Avilés, pa buscar una solución razonada, llegal y rápida, que dea seguranza y enfotu, y que refugue la xurisdicción contenciosa y l'aumentu los costes a les partes.