Contacto

El II Campus Feminista d'Avilés, entamáu pola conceyalía d'Igualdá, va siguir col plazu abiertu p'apuntase hasta'l vienres 1 de xunetu. Apuntase a esti campus nun cuesta nada y ye pa persones mayores de 18 años del Conceyu. Les actividaes van ser dende'l 11 hasta'l 15 de xunetu nel Espaciu Maqua, que ta na cai La Cámara, 23.

La ficha p'apuntase pue descargase  en: 

https://aviles.es/documents/20124/1362073/FICHA+DE+INSCRIPCI%C3%93N+II+Campus+Feminista.pdf

Nesta edición nun ye necesario apuntase pa tol seminariu, podrá dise a les actividaes que se quieran, pero siempre teniendo en cuenta l'aforu de la sala que ye de 60 persones. En diferentes xornaes -con metodoloxía teórico-práctica- van tratase temes de teoría feminista, esplotación sexual, salú y ciencia con perspeutiva de xéneru, brecha salarial, pornografía, violencia escontra les muyeres, autodefensa, llinguax inclusivu y sexualidá, ente otros. 

Pa más información, puede llamase al teléfonu 985 52 75 46 o mandar un corréu electrónicu a :igualdad@aviles.es

Programa completu

Día 11, llunes

• 9.30 hores. Inauguración del II Campus Feminista. A cargu de l'alcaldesa d'Avilés, Mariví Monteserín.
• 9.45 a 11.15 hores. Teoría y perspeutiva feminista. Una reflexón dende la filosofía. Ana de Miguel Álvarez, filósofa y profesora na Universidá Rey Juan Carlos de Madrid.
• 11.45 a 13.30 hores. La erótica como forma d'empoderamientu. Iván Rotella, sexólogu y coordinador del Centru d'Atención Sexual d'Avilés CASA.

Día 12, martes

• 9.30 a 11.15 hores Pornificación de la cultura. Teresa Lozano Lázaro (Towanda Rebels).

• 11.45 a 13.30 hores. Invisibilidá de la salú de les muyeres pa la medicina. (Online vía Teams). Carme Valls Llobet, médica especializada n'endocrinoloxía y medicina con perspeutiva de xéneru.
• 16.30 hores. Taller práuticu d'Autodefensa. Loida Pérez Hoyos, monitora d'autodefensa (Complexu Deportivu Avilés).

Día 13, miércoles

• 9.30 a 11.15 horas. El cine como ferramienta de tresformación social. Presentación y proyeición del curtiumetraxe "Lucía (Non ye non)". Mariano Franco, direutor y Paula Marín, sicóloga.
• 11.45 a 13.30 hores. La trata con fines d'esplotación sexual: la esclavitú del sieglu XXI. Esther Rodríguez, llicenciada en Sicoloxía y coordinadora de l'asociación APRAMP n'Asturies.
• Proyeición del curtiumetraxe "Biografía del cadáver d'una muyer" de la direutora, productora y actriz Mabel Lozano. (Goya al Meyor Curtiumetraxe documental 2021).
• 16.30 hores. Taller práuticu d'Autodefensa. Loida Pérez Hoyos, monitora d'autodefensa. (Complexu Deportivu Avilés).

Día 14, xueves

• 9.30 a 10.45 hores. Los permanentes desafíos pa reducir la brecha salarial de xéneru. Carolina Martínez Moreno, caderalga de Derechu del Trabayu na Universidá d'Uviéu.
• 11.00 a 12.15 hores. Constitucionalismu feminista: la Igualdá na Constitución y les lleis. Perspeutives de futuru. María Valvidares Suárez, profesora contratada doctora en Derechu Constitucional na Universidá d'Uviéu.
• 12.30 a 13.30 hores. El llinguax inclusivu y la lliteratura dende una perspeutiva feminista. Rebeca Fernández Alonso, llicenciada en Filoloxía Hispánica y doctora n'Estudios de la Muyer.
• 16.30 hores. Visita guiada "Avilés en femenín" pel casco históricu d'Avilés. Conducida por Patricia Pérez, historiadora de l'Arte.

Día 15, vienres

• 9.30 a 11.15 hores. Hombres qu'exercen violencia machista na pareya ¿Quién son? Raúl Lizana Zamudio, sicólogu espertu en violencia machista na pareya, Doctor en Sicopatoloxía Infanto-xuvenil na Universitat Autónoma de Barcelona.
• 11.45 a 13.30 hores. Una mirada feminista a la teunoloxía y la dixitalización. Lourdes Muñoz Santamaría, consultora en dixitalización y co-fundadora de la iniciativa Barcelona Open Data.
• 16.30 hores.  Pieslle y entrega de diplomes. Amenizáu por Fred Events con actuaciones en direutu.