Contacto

Con Uriah Heep llega a Avilés una de les bandes mítiques de la música británica, precursores del heavy metal, maestros del rock progresivu y del hard rock, quien nun quiera perdese'l so conciertu nel Teatru Palacio Valdés el 22 d'ochobre a les 20.30 hores, nuna de les sos úniques tres paraes n'España pa celebrar el so mediu sieglu na carretera, tovía tienen entraes pa mercar. 

Pueden comprase, con precios que van dende los 25 hasta los 40 euros, nes canales normales de venta, la web https://uniticket.janto.es/palaciovaldes/public/janto/main.php y na taquilla de la Casa la Cultura. 

Dicía Mick Box, guitarrista y miembru fundador de la banda, nuna entrevista d'hai poco,  que siguen teniendo la mesma pasión de siempre pola música" y tamién  enerxía renovada que comparte colos demás del grupu, Bernie Shaw, Phil Lanzon, Davey Rimmer y Russell Gilbrook

 L'armonía de les sos voces y los coros, ye una de les sos grandes señes d'identidá, asina como'l puxu escomanáu de les sos guitarres, que contrasta cola calma de les sos balaes maestres. Y como maestros y precursores del rock más cañeru considérenlos bandes posteriores, ye'l casu reconocíu d'A-Ha.

Trabayos como "Demons and Wizards", el so cuartu álbum d'estudiu, o "Magician's Birthday", el quintu, los dos d'un 1972 al que llegaron rebosantes de creatividá, son auténticos monumentos del rock. O "Very 'Eavy, Very 'Umble" (1970), el so debut, consideráu primordial nel nacimientu del heavy metal y que los llanzó direutos a lo más cimero en Gran Bretaña y n'Estaos Xuníos.

25 discos d'estudiu, más de 40 millones de copies vendíes, más de 4.000 conciertos son los númberos rotundos que marquen el so camín musical. La celebración del so mediu sieglu tendría qu'haber entamao en 2020, pero por mor de la pandemia tuvieron que suspendela. Agora tán en plena forma y bien metíos nel so tour de 50+2 años, que n'España sólo va tener dos cites más que la d'Avilés, Madrid y Barcelona.   

La so cita con Avilés supón el segundu gran recital d'estrelles internacionales na ciudá nesta seronda, dempués de la visita anteayer, tamién al Palaciu Valdés de Lila Downs, reforzando'l papel del coliséu avilesín como recintu musical del más altu nivel.