Contacto

El martes que vien, día 26 de payares termina'l plazu p'apuntase y poder participar nel XXIII Congresu Estatal de Voluntariáu que tien el títulu de "Voluntariado para una sociedad inclusiva: innovación y sostenibilidad" qu'organiza la Conseyería de Derechos Sociales y Bienestar del Principáu d'Asturies y el Ministeriu de Derechos Sociales, Consumu y Axenda 2030. Sedrá nel Centru Cultural Internacional Oscar Niemeyer d'Avilés los díes 4 y 5 d'avientu.

Ente los asuntos de los que se va falar tán la evaluación del impactu social del llabor voluntariu; la rellación ente la universidá y el voluntariáu; el discutiniu sobre la llei de mecenazgu o'l llabor del voluntariáu como ferramienta escontra l'aislamientu social. Los y les participantes van tratar tamién el tema del voluntariáu social pa puxar pola autonomía personal; les bones práutiques; el llabor  del voluntariáu na aldea; el voluntariáu deportivu, cultural y mediuambiental y los oxetivos pa un espoxigue sostenible.

Amás, nel congresu, que yá ye la segunda vegada que se fai n'Asturies van entregase los Premios Estatales al Voluntariáu.

Na organización participen tamién el Conceyu d'Avilés, la Universidá d'Uviéu, la Plataforma de Voluntariáu d'España y la Plataforma de Voluntariaáu d'Asturies, amás de la Rede de Centros de Voluntariáu y Participación Social.

P'apuntase en:

https://voluntastur.org/congresovoluntariado/