Contacto

"A vista de bici" propón a rapazos y rapaces d'ente 12 y 16 años una forma diferente de descubrir Avilés. A lo llargo de tres sábados y en dos hores, con 15 participantes afondarán en cómo usala, deprenderán trucos y descubrirán espacios urbanos nuevos, combinando xuegu, téunica y aventura en cada pedaléu. Tolos alcuentros entamarán a les 11.30 hores.

La participación ye llibre y de baldre, nun ye necesaria esperiencia enantes, solo ganes de pasalo bien y tener bicicleta y  cascu de seguridá, magar qu'habrá dos bicis pa empresatar, por si daquién la necesita. 

El primer percorríu ye'l 26 de xunetu nel parque La Xungarosa/El barrio de La Luz, onde se van tratar temes como l'enfotu na bici y el control básicu. El sábadu 9 d'agostu sedrá'l turnu del parque de Llaranes, centráu nel trabayu de curves, frenáu y seguridá. La última sesión ye pal sábadu 30 d'agosto nel parque d'El Pozón, onde los y les participantes pondrán ver l'arte que tienen pa reblagar dalgunos pilancos y garrar soltura.

Esta actividá ta dientro de "Veranu Mozu", una programación pensada pa que les persones más moces disfruten de la so ciudá y los sos barrios tamién pel branu. Son unes propuestes pa fomentar l'autonomía y l'ociu seguru y que tamién sirven pa la conciliación familiar.

Esta actividá págase col Plan Corresponsables del Ministeriu d'Igualdá.

Programa

• Sábadu 26 de xunetu. Parque de La Xungarosa/El barrio de La Luz: Enfotu y Control Básicu
• Sábadu 9 d'agostu. Parque de Llaranes: Curves, frenáu y seguridá
• Sábadu 30 d'agostu. Parque d'El Pozón: Ser arteru o artera, Pilancos y Autonomía