Contacto

Conocer la historia de la cultura d'Avilés de la mano de les muyeres que la protagonizaron. Esa ye la xera de "Avilés en femenín", un percorríu peles sos vides y sitios emblemáticos de la ciudá. La cita va ser los llunes 1 y 22 d'agostu, a les 19.30 hores, organizaes pola entidá cultural "Cuéntame un cuadru" col sofitu de la Les persones interesaes en facer una visita guiada pel arte y la historia de les muyeres creadores que vivieron na ciudá, y a pensar nel pasáu y nel presente sobre'l papel que xugaron a lo llargo la historia. Una forma de conocer la historia de muyeres nomaes d'Avilés, unes más y otres menos, afondando na biografía de pintores como Maruja Mallo y Obdulia García, o poetes como Ana de Valle.  

'Avilés en femenín', vuelve a la programación del veranu pa que residentes y turistes puedan deprender  y pasalo bien. Faise un  repasu peles vides d'estes creadores y pel contestu social que-yos tocó vivir, un forma de calase na historia, a través de les cais y el patrimoniu material y inmaterial d'Avilés, onde se va poder descubrir el verdaderu papel que xugó la muyer na Historia.  

Pa participar nesta actividá, de baldre, ye necesario apuntase enantes, porque les places son llimitaes. Tien de tramitase na Oficina de Turismu, na cai Ruiz Gómez, 21, tanto de forma presencial, per teléfonu 985 544 325 o per corréu electrónicu turismo@aviles.es.