El To Nome Diz Muncho de Ti

Información

Retomamos esta campaña empobinada a tola sociedá, pero quiciabes más enfocada na mocedá, pero mayores d'edá. La idea ye la d'informar de qué forma se podría facer un cambiu de nome, apellíos o los dos, según les lleis que tean en vigor nesi momentu, amás d'informar de los nomes y apellíos coles sos formes tradicionales n'asturianu. 

¿Qué tienes que facer?

1.- Solicitar un certificáu d'equivalencia pal nome o pal apellíu,  tien de tar expidíu por dalgún organismu oficial. Nel Serviciu de Política Llíngüística del Principáu  d'Asturies (Edificiu Calatrava, c/ Eduardo Herrera “Herrerita”, s/n, primer pisu, 33006 Uviéu. Telf:985106741, corréu electrónicu: opllasturias.org) pueden dátelu.


2.- Dir al Rexistru Civil

Pa poner el nome n’asturianu:
- Si yes mayor d’edá, namás tienes que solicitar per escrito nel Rexistru Civil que te cambien el nome pol to equivalente en llingua asturiana. Has presentar una instancia, un certificáu onde s’afite la equivalencia ente’l to nome llegal y el que vas poner, el DNI y una copia del certificáu lliteral de nacencia. Si se trata de recién nacíos/es, namás fai falta que los/les inscribas col nome n’asturianu que más te preste. 

Pa poner los apellíos na so forma asturiana:
- Si yes mayor d’edá, solicítalo per escrito al Rexistru, presentando una instancia, un certificáo qu’acredite la forma asturiana que correspuende a los tos apellíos oficiales, un certificáu lliteral de nacencia y el DNI. Los tos fíos y fíes llevarán el to apellíu n’asturianu si ye que que tu yá lu tienes cambiáu. 
Tocante al certificáu d’equivalencia pal nome o pal apellíu, tien de tar espedíu por dalgún organismu oficial. Nel Serviciu de Política Llíngüística de la Conseyería d’Educación, Cultura y Deporte (Edificiu Calatrava, c/ Eduardo Herrera “Herrerita”, s/n, primer pisu, 33006 Uviéu. Telf:985106741, corréu electrónicu: opll@asturias.org) pueden dátelu.

3.- Dir a la oficina del DNI

En teniendo cambiaos el nome o los apellíos, ye conveniente que los corrixas tamién nel Carné d’Identidá pa que figuren nelli les nueves formes correctes del to nome o apellíos.
Siempre que’l D.N.I. tea en vigor, esto ye, que’l cambiu se faiga sólo pa sustituyir el nome o los apellíos polos equivalentes na llingua vernácula, el trámite ye gratis. Namás tienes de dir a la Comisaría de Policía col D.N.I., con dos fotos y el documentu del Rexistru Civil onde figuren el nome o los apellíos correxíos. 

Llexislación
  • Llei 17/1977, de 4 de xineru (BOE nu 7, de 8 de xineru de 1977)

Art. 1: “Na inscripción (nel Rexistru) espresaráse’l nome que se-y dea al nacíu o nacida. Tratándose d’españoles, los nomes tendrán de conseñase en dalguna de les llingües españoles”.

  • Llei 40/1999, de 5 de payares (BOE un 266, de 6 de payares de 1999)

Art. 1: “(…) el pá y la ma, de común alcuerdu, van poder decidir l’orde de tresmisión del so respeutivu primer apellíu, enantes de la inscripción rexistral”.

Art. 2: “(…) en pidiéndolo la persona interesada o’l so representante llegal, l’encargáu del Rexistru sustituyá’l nome propiu d’aquel pol so equivalente onomásticu en cualquiera de les llingües españoles”.

Art. 3: “(…) L’encargáu del Rexistru, en pidiéndolo la persona interesada o’l so representante llegal, procederá a regularizar ortográficamente los apellíos cuando la forma inscrita nel Rexistru nun s’axuste a la gramática y fonética de la llingua española correspondiente”.

El to nome identifícate a ti nel mundu como persona y como asturianu/a

N’Asturies tamos a tiempu de recuperar los nuesos nomes y apellíos tradicionales.

Agora la llei reconoz la diversidá llingüística d’España y permite que los nomes y apellíos de la xente recueyan esa riqueza cultural.

Dípticos
  El to Nome Diz Muncho de Ti

 

 

< Volver