![](/documents/20124/8681339/Folixa_resized.jpg/ba202226-233d-ea13-af47-64f291b87e7f?t=1697014117403)
Folixa de Navidá
La Folixa de Navidá ye una actividá que xurde nel añu 2016 como propuesta de l'Asociación Garabuxada de L'Arena y los centros educativos de Primaria d'Avilés pa poder recuperar dalgunes tradiciones propies d'esta época del añu n'Asturies, como'l Ramu de Navidá o la quema d'El Nataliegu pa que dea suerte nel añu.
L'actividá faise nel Auditoriu de la Casa la Cultura que xunta alredor de 600 escolares tolos años.
El Nataliegu que ta siempre presente nel escenariu (un troncu de carbayu obra de la Escuela de Cerámica d'Avilés) al que se-y fai la ufrienda tradicional de castañes y llambionaes típiques asturianes. Cántense villancicos n'asturianu y aguilandos.
Dende'l 2022, tamién s'organiza un Concursu de Ramos de Navidá pa centros escolares públicos avilesinos que quieran proponer al so alumnáu facer un ramu de Navidá, valorándose la so estética y orixinalidá, asina como usar elementos tradicionales na decoración.
Los centros educativos participantes podrán conseguir un premiu que consiste nun cuentacuentos o taller didáuticu pa disfrutar nel propiu centru, o si nun se pudiera llevar a cabu esta actividá, podría ser un llote llibros pa la biblioteca de la escuela.
-
Fiestas y Festejos
-
Fiestas y Festejos
-
Educación
-
Fiestas y Festejos