Ayuda
La conceyala de Deporte, Nuria Delmiro, presentó esti xueves les actividaes de la Fundación Deportiva Municipal (FDM) pal arranque del cursu 2022-2023, que recupera, d'una forma segura pa les persones usuaries, la normalidá de les actividaes deportives municipales de toles edaes.
Tolo qu'hai, puede consultase en www.aviles.es, asina como nos códigos QR que van tar na cartelería repartida pelos diferentes espacios públicos y deportivos d'Avilés.
Otra vegada más, les actividaes nun son cares y son mui variaes, con propuestes pa tolos gustos. Hai 4.350 places con 32 modalidaes acuátiques, de sala y cancha y al aire, que se programaron pa esti cursu 2022-2023 que va dende'l 1 d'ochobre de 2022 hasta'l 30 de xunu de 2023.
Ye nuevo que se programe una actividá que tuvo munchu ésitu na programación del branu de Ciudá Saludable y que se va volver a facer esti cursu y ye'l Tai-Chi nel parque La Madalena. Esta actividá va ser los llunes y miércoles de 11:00 a 11:50 hores, con 35 places pa mayores de 16 años. En casu de que tea malo, l'actividá fadráse nuna parte de la pista central que ta tapada del CD de La Madalena. el preciu d'esta activida ye de 27,15 euros al trimestre.
Toles actividaes son trimestrales -sólo dalgunes como'l patinaxe artísticu, actividaes pa muyeres preñaes o cursos de tenis- son mensuales. Podrá haber dalgún cambiu según se van faciendo p'adautales a les necesidaes que vayan xurdiendo cada trimestre.
Los trimestres de les actividades sedrán éstos: ochobre-avientu, xineru-marzu y abril-xunu.
El llistáu total d'actividaees acuátiques, de cancha y sala, y al aire ye ésti:
Actividaes acuátiques
Cursos d'enseñanza pa diferentes grupos d'edá: Educación infantil, Educación Primaria, Secundaria-Bachiller y Adultos.
Actividaes especiales, pa persones con discapacidá, pa muyeres preñaes y neños y neñes de pocu tiempu.
Actividaes de fitness: natación de mantenimientu pa persones adultes y pa menores de 18 años, ximnasia acuática (pa mayores y menores de 65), aquaerobic, aquarunning y GAP acuáticu.
Actividaes de sala y cancha
Ximnasia de mantenimientu pa persones adultes, ximnasia pa mayores, aerobic con step, aeróbic, pilates, pilates pa mayores de 55 años, G.A.P. (Glúteos-Abdominales-Piernes), hipopresivos, zumba, yoga, ciclismu en sala, patinaxe artísticu (neños/es de 3 a 18 años), actividá física pa muyeres preñaes, hipo-pilates, stretching y pre-deporte (neños/es de 3 a 9 años).
Actividaes al aire
Cursos de tenis, Tai-Chi nel Parque La Madalena y ximnasia al aire tamién nel parque de La Madalena, para toles edaes.
P'apuntase
El plazu p'apuntase queda abiertu dende'l llunes 12 de setiembre a les 8:00 hores y tendrá que facese na web: www.aviles.es/TSAvilesDeportes
Quien nun seya tovía ususariu o usuaria de
- Consulta equí'l cuadrante d'actividaes pal Complexu Deportivu Avilés
- Consulta equí'l cuadrante d'actividaes pa los Complexos Deportivos de La Madalena, Los Canapés y La Toba:
- Deportes