Contacto

L'eventu va facese nel Auditoriu del Centru Niemeyer, n'horariu de 12 a 14 hores. 

Esti proyeutu xurde de la mano de l'Asociación de Parques Teunolóxicos d'España que, yá lleva siete años siguíos confiando nel Parque Científicu Teunolóxicu 'Avilés Isla de la Innovación' para organizar el de Ciencia y Teunoloxía en Femenín.

L'alumnáu de 3º ESO de los IES Carreño Miranda, La Luz, La Magdalena, Menéndez Pidal y Nº 5, y el de los Colexos San Fernando y Salesianos-Santo Ángel, participen nesti alcuentru  nel que se va sentir el testimoniu de tres científiques que van esplicar cómo llegaron a les responsabilidaes d'anguaño. Son alegatos curtios pa conectar emocionalmente col alumnáu y treslladar el poder de muyeres y neñes pa ser creadores y axentes de cambiu.

Les ponentes son Elena Mielgo, investigadora n'Idonial; Celia Núñez, inxeniera del departamentu d'intelixencia artificial d'ArcelorMittal R&D Spain; y Nerea González, responsable del departamentu de teunoloxía de Caja Rural Asturias. Toes elles son y trabayen n'Avilés.

Actu central del programa Ciencia y Teunoloxía en Femenín 2024

• 11.45 h. Receición del alumnaáu y profesoráu
• 12:00 h. Saludu de Manuel Campa, conceyal de Desarrollu Urbanu y Económicu
• 12.10 h. Presentación del proyeutu
• 12.30 h. Ponencia d'Elena Mielgo
• 12:50 h. Preguntes del públicu
• 12.55 h. Ponencia de Celia Núñez
• 13:15 h. Preguntes del públicu
• 13:20 h. Ponencia de Nerea González
• 13:40 h. Preguntes del públicu
• 13.45 h. Presentación de les actividaes. Avilés Hackathon 2024
• 13:55 h. Pieslle del actu  

Avilés Hackathon 2024

La siguiente actividá d'esta séptima edición de Ciencia y Teunoloxía en Femenín ye Avilés Hackathon 2024, un eventu collaborativu nel que van participar 30 estudiantes y nel que en cuatro hores tienen de resolvese dos desafíos teunolóxicos. Sedrá'l miércoles 18 d'avientu n'Espaciu Maqua, n'horariu de 10 a 14 hores. 

Retu 1: Diseñando'l futuru con robots

• Cada equipu plantegará una solución robótica que meyore'l  funcionamiento d'una Smart City. Tendrán que tratar un problema como la xestión eficiente d'enerxía, la movilidá urbana, la seguridá o la xestión de residuos. Amás de dar cola solución, deberá crear una representación n'intelixencia artificial del so robot.

Retu 2: Creación de xemelos dixitales

• Cada equipu diseñará un videoxuegu nel que crearéis un mimielgu dixital onde'l robot s'esamine enantes de trelladalu hasta'l al mundu de verdá. El robot podrá tratar problemes como'l tratamientu de residuos nes ciudaes o debaxo l'agua. Amás, cada equipu xenerará una imaxen cola intelixencia artificial del robot.

L'equipu ganador d'esta actividá participará nel concursu nacional de l'Asociación de Parques Científicos y Teunolóxicos d'España "Propuestes nueves pa los retos pal desarrollu sostenible" y, nel casu de resultar finalista, dirá pa la fase final del concursu que sedrá n'abril o mayu. Hai d'alcordase de que nes cinco ediciones anteriores centros de secundaria d'Avilés fueron finalistes nel concursu nacional: tres veces l'IES Carreño Miranda, una  l'IES Número 5, y una'l Colexu Santo Ángel, que foi'l ganador de toa España en 2020.